Qazaqstan • 18 Aqpan, 2020

E. Birtanov Japonııa jaǵalaýynda jabyq laınerdiń bortynda qalǵan qazaqstandyqtar jaıly aıtty

40 retkórsetildi

Densaýlyq saqtaý mınıstri Eljan Birtanov Japonııa jaǵalaýynda jabyq laınerdiń bortynda qalǵan qazaqstandyqtardyń densaýlyǵy jaıly aqparat berdi. Bul týraly Premer-Mınıstrdiń baspasóz qyzmeti habarlady.

«Biz Japonııanyń densaýlyq saqtaý mınıstrligimen baılanysyp otyrymyz. Olardyń málimetinshe, qazirgi sátte olardyń syrqattanǵany týraly aqparat joq. Sonymen qatar bizdiń azamattarmen de tikeleı baılanys bar. Olardyń jaǵdaıy jaqsy, aralarynda naýqas joq. Qazir biz Syrtqy ister mınıstrligimen bizdiń azamattardy Qazaqstanǵa qaıtarý boıynsha máseleni pysyqtap jatyrmyz», — dedi mınıstr.

Sonymen qatar E. Birtanov jýrnalısterdiń memlekettik bıýdjetten koronavırýspen kúresýge bólingen qarajattyń jumsalýyna qatysty suraqtaryna jaýap berdi.

«1 mlrd teńgege jýyq qarajat sanıtarlyq qyzmet aıasynda medısınalyq qamsyzdandyrýǵa jáne sanıtarlyq qorǵaýǵa jumsalady. Ol – qorǵanysh materıaldaryn, jeke qorǵanysh quraldaryn, zerthanalyq jáne dıagnostıkalyq quraldardy, keıbir jabdyqtardy, onyń ishinde teplovızorlardy satyp alý jáne azamattardy evakýasııalaý. Qarjynyń bir bóligi óńirlerge kómek retinde, ıaǵnı, jergilikti densaýlyq saqtaý basqarmalarynyń qosymsha ótinimderi boıynsha medısına qyzmetkerlerin qorǵaýǵa, jergilikti aýrýhanalardy jáne emhanalardy jeke qorǵanysh quraldarymen qamtamasyz etýge bólindi. Taǵy bir bóligi basqa memlekettik organdardy qorǵaýdy qamtamasyz etýge baǵyttaldy», — dep túsindirdi densaýlyq saqtaý mınıstri. 

О́z kezeginde, Syrtqy ister mınıstrliginiń resmı ókili A. Smadııarov karantın aıaqtalǵan soń Japonııadaǵy laıner bortynda qalǵan qazaqstandyqtar óz betterinshe úılerine orala alatynyn aıtty. 

«Kemede karantın rejımi jarııalanǵandyqtan, árıne, qozǵalys shektelgen. Olar ózderiniń kaıýtalarynda jatyr, barlyq qajetti medısına quraldarymen, sondaı-aq tolyqqandy tamaqpen qamtamasyz etilgen. Biz olarmen únemi baılanysyp otyrmyz. Karantın aıaqtalǵan soń, adamdar qurlyqqa túsirilgen soń taǵy bir tekserýden ótkiziledi. Japonııa bıligi árbir adamdy tekserýdi uıǵaryp otyr. Eger bizdiń azamattardan koronavırýs anyqtalmasa, olar óz betinshe otanyna qaıta alady», —  dedi A. Smadııarov. 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar