Qazaqstan • 18 Aqpan, 2020

BUU-nyń Qazaqstandaǵy qyzmeti BAQ ókilderine tanystyryldy

18 retkórsetildi

BUU keńsesinde Qazaqstanda tirkelgen BUU agenttikteriniń basshylarymen jáne 30-dan astam buqaralyq aqparat quraldary ókilderimen birge baspasóz-tańǵy asy ótti. Qurmetti qonaqtar retinde - QR SIM Almaty qalasyndaǵy ókildiginiń basshysy Erlan Ysqaqov, «Qazaqstan Medıa Alıansy» RQB basqarma tóraǵasy Armanjan Baıtasov, QR BUU jahandyq kommýnıkasııa departamentiniń basshysy Vlastımıl Samek, QR IýNESKO Klasterlik bıýrosynyń dırektory Krısta Pıkkat boldy. Bul týraly Syrtqy ister mınıstrliginiń baspasóz qyzmeti habarlady.

Atalǵan is-shara BUU-nyń qurylǵanyna 75 jyl jáne Qazaqstandaǵy BUU ókildigini qyzmetiniń bastalý kúni - 1993 jylǵy 17 aqpanǵa oraılastyryldy.

E. Ysqaqov Qazaqstan kóptegen halyqaralyq uıymdardyń, sonyń ishinde BUU-nyń belsendi múshesi bolyp tabylatynyn jáne bizdiń elimiz halyqaralyq qoǵamdastyqqa úılesimdi enip, onda laıyqty oryn ala alǵanyn atap ótti. 27 jyl ishinde BUU ókildigi BUU júıesindegi óńirlik mandatpen jumys istep turǵan 30-dan astam agenttikterdiń 16-yn quraıdy. Qazirgi ýaqytta Qazaqstan QR Tuńǵysh Prezıdenti – Elbasy N. Nazarbaevtyń Almaty qalasynda BUU-nyń aımaqaralyq ortalyǵyn qurý jónindegi bastamasyn júzege asyrý jónindegi jumysty jalǵastyrýda.

A. Baıtasov óziniń syrtqy saıası kún tártibinde Qazaqstan kómek alýshy el pozısııasynan damý salasyndaǵy óńirlik seriktes pozısııasyna birtindep aýysyp kele jatqanyna nazar aýdardy. Bul rette strategııalyq basymdyqtardyń biri Almatyda BUU óńirlik habyn qurý bolyp tabylady. Bul qadam Qazaqstanǵa óńirlik damýdy, qaýipsizdik pen turaqtylyqty qamtamasyz etýge qosymsha úles qosýǵa múmkindik beredi.

О́z sózinde V. Samek BUU-nyń 75 jyldyǵyn toılaý eki basymdyqqa – sıfrlandyrý men jastardy tartýǵa arnalǵanyn habarlady. Belgili bolǵandaı, Qazaqstan óńirdegi sıfrlandyrý boıynsha aldyńǵy qatarly elderdiń biri bolyp tabylady jáne óńir elderi men halyqaralyq kompanııalardyń ýákiletti ókilderin tarta otyryp, aýqymdy is-sharalar ótkizedi. Aǵymdaǵy jyldyń qańtar aıynyń sońynda ótken osyndaı is-sharalardyń birine BUU Bas hatshysynyń orynbasary Fabrısıo Hohshıld qatysty. Jastardy tartý taqyryby da el Úkimetiniń kún tártibinde ózekti bolyp otyr – ótken jyl Jastar jyly dep jarııalansa, aǵymdaǵy jyl eriktilerdiń jyly dep jarııalandy.

Qazaqstan BUU agenttikteriniń jumysyna belsendi qatysady jáne eleýli úles qosyp, uıymnyń óńirlik uıymdarmen dıalogtyq alańdarynyń ózara is-qımylyn damytýǵa járdemdesedi jáne BUU-nyń negizgi baǵdarlamalyq qujattaryn josparly túrde iske asyrady.

K. Pıkkat bilim, ǵylym jáne tehnıka, áleýmettik jáne gýmanıtarlyq ǵylymdar, mádenıet, kommýnıkasııa, aqparat jáne ınformatıka sııaqty yntymaqtastyqtyń negizgi salalary anyqtalǵan Qazaqstandaǵy IýNESKO-nyń qyzmeti týraly aıtyp berdi. IýNESKO kezekti konferensııasynda orta ǵasyrlyq Shyǵystyń uly ǵalymy jáne fılosofy Ábý Nasyr Ál-Farabıdiń 1150 jyldyǵy, Shymkent qalasynyń 2200 jyldyǵy jáne kórnekti qazaq aqyny jáne aǵartýshysy Abaı Qunanbaıulynyń 175 jyldyǵyn 2020 jylǵy IýNESKO estelik kúnder kúntizbesine qosý týraly rezolıýsııa qabyldap, IýNESKO arnalaryn paıdalana otyryp, halyqaralyq deńgeıde tanymal etý úshin shet tilindegi basylymdarda jarııalanymdar shyǵarý jóninde sheshim qabyldady. Osyǵan oraı, IýNESKO-nyń Bas hatshysy Odre Azýle aǵymdaǵy jyldyń qyrkúıek aıynda Qazaqstanǵa sapary josparlanyp otyr.

Jalpy, kezdesý qorytyndysy boıynsha «suraq-jaýap» formatynda dıalog jáne qazaqstandyq Medıa Alıanstyń BUU-nyń 75-jyldyǵyna arnalǵan is-sharalardy odan ári jarııalaýǵa daıyndyǵy boldy.

Qazaqstandyq Medıa Alıans BUU-nyń 75 jyldyǵyna arnalǵan Qazaqstandaǵy is-sharalardyń moderatory bolyp tabylady. 

Birikken Ulttar Uıymy (BUU) - halyqaralyq beıbitshilik pen qaýipsizdikti qoldaý jáne nyǵaıtý, sondaı-aq memleketter arasyndaǵy yntymaqtastyqty damytý úshin 1945 jylǵy 24 qazanda qurylǵan halyqaralyq uıym. Búgingi tańda BUU 193 múshe memlekettiń 41 000 qyzmetkerin quraıdy jáne álemniń barlyq óńirlerinde qyzmet atqarady. BUU Bas hatshysy - Antonıý Gýterrısh (laýazymǵa 2017 jyldyń 1 qańtarynda kirdi).

Sońǵy jańalyqtar

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Jel sypyrdy aýlańdy erinshekteý

Ádebıet • Búgin, 17:38

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Gúl naryǵy da naıqalyp jatyr...

Qoǵam • Búgin, 15:25

Uqsas jańalyqtar