Parlament • 18 Aqpan, 2020

Darıǵa Nazarbaeva: Azyq-túlik ónimderi qoljetimdi bolýy kerek

74 retkórsetildi

Qazaqstan Respýblıkasy Parlamenti Senatynyń Tóraǵasy Darıǵa Nazarbaeva Parlamenttik tyńdaýlarǵa daıyndyq aıasynda elimizdiń memlekettik organdarynyń ókilderiniń jáne aýyl sharýashylyǵy ónimderin óndirýshilerdiń qatysýymen et óndirisi salasynyń qazirgi jaǵdaıyna arnalǵan kezdesý ótkizdi. Bul týraly Parlament Senatynyń Baspasóz qyzmeti habarlady.

Júzdesýge Senat depýtattary, Aýyl sharýashylyǵy mınıstrliginiń ókilderi men mal sharýashylyǵy boıynsha ónim óndirýshiler qatysty.

Aldymen aýyl sharýashylyǵy mınıstriniń birinshi orynbasary Aıdarbek Saparov Qazaqstandaǵy mal sharýashylyǵynyń qazirgi kúı-jaıymen tanystyrdy.

Mınıstrdiń birinshi orynbasary et óndirisi elimizdegi negizgi salalardyń biri ekenin aıta kelip, ótken jyly 1,1 mln tonna et óndirilgenin jetkizdi. «Otandyq et ónimderiniń eksporty aıtarlyqtaı emes. 2019 jyly 372 tonna shujyq jáne 769 tonna konservi ónimderi eksporttaldy. Sonymen qatar, Qazaqstannan 156 063 iri qara jáne 263 737 usaq mal syrtqa jóneltildi», - deıdi A. Saparov.

2019 jyldyń qazan aıynda elimizden iri qara men saýlyqtardy syrtqa shyǵarýǵa tyıym salynǵanyna qaramastan 26 781 iri qara jáne 22 272 bas usaq mal áketilgen.

Senat Tóraǵasy Darıǵa Nazarbaeva mal shyǵarýǵa tyıym salý jáne onyń zardaptary máselesin kóterdi. «Bizge tek kólemmen ǵana emes, sapamen de, baǵasymen de alýymyz kerek. Et dámdi, sapaly jáne baǵasy qoljetimdi bolýy tıis. Búgin bizdiń qolymyzda ne bar? Et baǵasy óte tez ósedi. Bizde et bar, biraq bizdiń naryqta nege qymbat? Onyń ústine, bizdiń elimiz ben halqymyz etti baǵdarǵa alady. Mańyzdylyǵy jaǵynan nannan keıin ekinshi ónim – et», - dedi D.Nazarbaeva.

Batys Qazaqstan oblysyndaǵy «Kýbleı» seriktestiginiń bas dırektory Talǵat Berekeshev qaıta óńdeý ónerkásip oryndarynyń basty máselelerine toqtaldy. Onyń pikirinshe, bizdiń qaıta óńdeý kásiporyndarynyń máselesi – qýattardyń tolyq iske qosylmaı turǵany.

«Et kombınattary 40-45% qýatynda jumys istep tur. Aýyl sharýashylyǵy mınıstrliginiń búgingi kúni qoldanystaǵy ónimdi mal sharýashylyǵy jónindegi baǵdarlamasy basty sebep bolýda. Oǵan sáıkes, barlyq sýbsıdııalar óndiristik kásiporyndarda shıkizatty qaıta óńdeýge emes, bordaqylaý alańdary arqyly jiberiledi. Sondyqtan fermerler maldy et kombınatyna emes, bordaqylaý alańyna tapsyrsa ǵana malǵa sýbsıdııa alady. Iаǵnı, olar bizge et berýge qushtar emes. Al bordaqylaýshylarǵa eksport tıimdi, sondyqtan sýbsıdııamen alynǵan mal satyp alýshylarǵa ketedi», - dep atap ótti T.Berekeshev.

Senat Tóraǵasy jaýap retinde aıtqan sózinde eger ár zaýyt eń bolmaǵanda 90% qýatynda jumys istegen bolsa, onda ónim kólemi múldem basqa ári naryqtaǵy bólshek baǵa da basqa bolady, bul rette deldaldar azaıady.

«Qazir biz halyq tamaǵynyń toq bolýyn, negizgi azyq-túliktiń qoljetimdi bolýyn oılastyrýymyz kerek. Bul bizdiń basty mindetimiz. Aýyl sharýashylyǵynyń aldynda sala retinde basymdyqtar bar. Qazaqstandyqtar týraly umytpaıyq. Olardyń dastarqanynda qoljetimdi dámdi et bolýy kerek. Aldymen azyq-túlik qaýipsizdigin oılaý kerek. О́z elimizdiń toqshylyqta bolýy mańyzdy», - dedi D.Nazarbaeva.

Senat basshysy et salasynyń qazirgi jaǵdaıy týraly aıta kelip, onyń jeńil ónerkásippen baılanysyn atap ótti. «Maldy soıý - bul da mańyzdy másele. Sebebi teriniń sapasy bizde jeńil ónerkásiptiń damýyna áser etedi. Bul máselege barlyq jaǵynan keshendi túrde qaraý kerek», - dedi ol.

Darıǵa Nazarbaeva kezdesýdi qorytyndylaı kelip, parlamenttik tyńdaýdan keıin de jumys jalǵasatynyn atap ótti.

«2020 jyldyń sońyna - 2021 jyldyń basyna qaraı Agroónerkásipti damytýdyń jol kartasy daıyn bolady. Zerdeli zańdar men erejeler qabyldanýy kerek. Sizdermen múddemiz ortaq – aýyl sharýashylyǵymyzdy kóterý, otandyq óndiristiń dámdi ári arzan ónimderi dastarqanda mol bolýy úshin baı el bolý kerek. Ony qarapaıym zattardyń ekonomıkasy deımiz», - dedi D.Nazarbaeva.

Sońǵy jańalyqtar

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar