Belgilengen tártipke baǵynbaı jolǵa shyqqan asa aýyr júk kólikteriniń ıelerine endi qomaqty aıyppul salynatyn bolady. Oblys ákiminiń birinshi orynbasary Qosman Aıtmuhametovtiń tóraǵalyǵymen ótken apparat májilisinde tıisti organdarǵa joldaǵy aýyr júk kólikteriniń qozǵalysyn qatań baqylaýǵa alý júkteldi. Jol qurylysy-jóndeý jumystarynyń aýqymy boıynsha Túrkistan oblysy respýblıkada kósh bastap tur. О́tken jyly 1 738 shaqyrym jol men kóshe qurylys-jóndeý jumystarymen qamtylyp, onyń 1 270,4 shaqyrymy paıdalanýǵa berilgen. Bıyl 869,8 shaqyrym jolda qurylys-jóndeý jumystary júrgizilmek. О́ńirdegi avtomobıl joldary men eldi meken kósheleriniń jalpy uzyndyǵy – 20 928,9 shaqyrym. Jergilikti mańyzy bar avtomobıl joldarynyń jaqsy jáne qanaǵattanarlyq jaǵdaıdaǵy úlesi ótken jyly 74,1 paıyzǵa jetken. Atalǵan kórsetkishti bıyl 80%-ǵa jetkizý kózdelýde.
