Tabıǵı monopolııalardy retteý komıteti oblystyq departamentiniń basshysy Aqan Tashpanov elektr qýatynyń qymbattaý sebebin túsindirdi. Onyń aıtýynsha, mundaı sheshim elektr energııasynyń shekti tarıfiniń ósýi men tasymaldaýǵa ketetin shyǵyndardyń kóbeıip ketýine baılanysty qabyldanyp otyr.
– Bizge «Qostanaı Energo Sentr» JShS-nen 2020 jyldyń 1 aqpanynan bastap 1 kVt/s elektr qýatynyń baǵasy, qosymsha salyq qunyn qospaǵanda, 17,64 teńgeden 18,97 teńgege deıin ósetini týraly habar kelip tústi. Osyǵan baılanysty ashyq talqylaý ótkizdik. Oǵan memlekettik organdardyń, tutynýshylar men qoǵamdyq birlestikterdiń ókilderi, táýelsiz sarapshylar qatysty. Nátıjesinde, 1 kVt/s elektr qýatynyń baǵasy, qosymsha salyq qunyn qospaǵanda, 18,92 teńge bolyp belgilendi. Aldaǵy aıdan bastap jeke tulǵalar 1 kVt/s elektr qýaty úshin 14,6 teńge, al zańdy tulǵalar 23,3 teńge tóleıtin bolady, – dedi departament basshysy.
Nurqanat QULABAI,
«Egemen Qazaqstan»
QOSTANAI
