Salyq zańnamasyn jıi buzatyn salalar

Onda sıfrlandyrýǵa baılanysty kame­raldyq baqylaý kezinde Qazaq­stan Respýblıkasynyń salyq zań­na­ma­synyń normalaryn qoldanýdyń ózekti máseleleri, taýarlardy shyǵar­ǵan­nan keıin kedendik baqylaý júrgi­zýdiń tártibi men erekshelikteri, sonymen qa­tar salyq tóleýshilerdi tolǵan­dyrǵan túıtkildi máseleler talqy­landy.

Kiris komıtetiniń Qashyq­tyq­­tan júrgiziletin monıtorıng basqar­masynyń basshysy Á.Súleı­menov atap ótkendeı, aǵymdaǵy jyldyń basynda kameraldyq baqylaý júıesine birqatar ózgeris engizilgen bolatyn. Onda Qarjy mınıstriniń buı­ryǵymen bekitilgen eskertpelerdi oryndaý úshin 5 kún belgilengen. Burynǵy Kodekste naqty merzimi kórsetilmegen bolatyn. Endigi kezekte kásipkerler banktegi esep­shotyna tyıym salynbastan buryn quqyq buzýshylyqtardy joıý múmkindigine ıe. Sonymen qatar osy bes kún ishinde eskert­pelerdi jáne tólenbegen salyq­tardy óteý mer­zimine qatysty sotqa shaǵymdana alady. Salyq tóleýshiniń ótinishi qarastyrylǵan merzimde esepshottary jabylmaıdy ári salyqtyq tekserýler de júrgizilmeıdi. Qazirgi kezde kameraldyq baqylaý boıyn­sha eskertýlerge baılanysty tú­sin­beýshilikter oryn almas úshin arnaıy komııssııa qurylǵan. Sonymen qatar Á.Súleımenov salyq zańnamasyn kóp buzatyndar qatarynda saýda jáne qurylys salasyndaǵy quqyq buzý­shy­lyqty saraptaı kele, salyq tó­leýshilerge jasalǵan eskertý­lerdiń 86 myńy, ıaǵnı 31 paıyzyn saý­da salasy quraıtynyn, al 43 myń, ıaǵnı 16 paıyz eskertýdiń qurylys kompanııalaryna tıesili ekenin atap ótti. Á.Súleımenovtiń aıtýynsha, bıznes salasyna jarııalanǵan úsh jylǵy moratorıı kezinde salyqtyq ákimshilikti qashyqtyqtan júrgizýde kameraldyq baqylaý júıeleri tıimdiligin kórsetip otyr. Kameraldyq baqy­laýdy paıdalaný  fıskaldy chek­ti onlaın rejimde berý, EAEO aımaǵyndaǵy eksport, elek­trondy esep qujattaryn berý, t.b. aqparattar aınalymyn ba­qylaýǵa múmkindik beredi. Sonyń nátıjesinde 2017 jylmen sa­lystyrǵanda 2019 jyly úsh ese,  2018 jyly bes ese kóp mólsherde  salyqtyq quqyq buzý derekteri anyqtalǵan. Qarjy mınıstrliginiń málimetteri boıyn­sha, aldaǵy úsh jylda salyq jáne kedendik, salyqtyq ákim­shilendirý aıasyndaǵy sıfrlandyrý barysynda salyqtyq tekserýler 9 paıyzǵa qysqaryp, bıýdjet kiristeri 20 paıyzǵa artqan. Nátıjesinde ótken jyly bıýdjetke túsken salym mólsheri 189 mlrd teń­geni qurap otyr. Bul kórsetkish 2019-2021 jyldarda 1,9 trln teńgeni quraı­tyn bolady.

Konferensııada kameraldyq baqy­laý nátıjelerine shaǵym­daný­dyń keıbir máselelerine toqtalǵan Joǵar­ǵy sottyń maman­dan­dyrylǵan sot alqasynyń sýdıasy G.Álmaǵambetova daýly eskertpelerdi qarastyrý máse­lelerin qozǵady. Qazirgi kezde Joǵa­ry sotta Salyq kodeksiniń jeke­le­gen erejelerin durys túsinip, talqy­laýdyń tájirıbede júzege asýyna baılanysty sot akti­leri qabyldanǵan. Al salyq tó­leý­shilerdiń talaptary azamat­tyq óndiris tártibi negizinde qara­lady.

Konferensııa barysynda so­nymen qatar sala mamandary kameraldyq baqylaýdyń tıimdi­ligin arttyrý, keden zańnamasy men kedendik daýlardaǵy sot táji­rıbesi, kedendik qundy baqylaý, kedendik ákelý bajdarynyń stav­kalaryn deklarasııalaý men qol­daný, taǵy da basqa daýly máse­le­lerdi sheshý joldaryn talqy­lady.