Osylaısha megapolıstiń barlyq turǵyndary ákimniń esep berý kezdesýine qatysyp, óz suraqtaryna jaýap alýǵa múmkindik aldy. Kezdesý bastalǵanǵa deıin qala ákiminiń orynbasarlary, aýdan ákimderi, basqarma basshylary men qalalyq máslıhat depýtattary azamattardy qabyldady. Qabyldaý eseptik kezdesýden keıin de jalǵaspaq.
Almatynyń 2019 jylǵy áleýmettik-ekonomıkalyq damýynyń negizgi kórsetkishteri beınerolıkte kórsetildi. 2019 jyldyń 9 aıynda JAО́ 4,8%-ǵa ósti. О́tken jyly Almatyda 47 myńnan astam jumys orny quryldy. Quny 96 mlrd. teńge bolatyn jańa 88 bıznes nysany ashyldy. О́nerkásip – 4,5%-ǵa, paıdalanýǵa berilgen turǵyn úı – 4,8%, qurylys – 3,4%, bólshek saýda – 12,1%-ǵa ósti. 500 shaqyrymnan astam ınjenerlik jeliler salyndy. 73 shaqyrym jol qurylysy aıaqtalyp, 47 shaqyrym sýarý aryqtary qaıta jóndeýden ótti. 300 myń turǵyndy qamtıtyn 670-ten astam aýla jóndeýden ótip, ekiden astamy engizildi. Qalany abattandyrýdy qamtamasyz etý maqsatynda 320-dan astam kósheni jaryqtandyrý, 287 shaqyrym sý jáne káriz, 150 shaqyrym elektr, 20 shaqyrym jylý jelisi jáne 130 shaqyrym gaz júrgizý boıynsha jumystar atqaryldy. Jalpy 47 shaqyrym aryq jóndelip, 670-ten astam aýla salyndy. 2,1 mln. sharshy metr turǵyn úı paıdalanýǵa berildi.
Búgingi esep berý kezdesýi Almaty qalasynyń ákimi Baqytjan Saǵyntaevtyń Memleket basshysy Q.J Toqaevtyń «Tyńdaıtyn memleket» qaǵıdatynyń jalǵasy retinde júrgizilip otyr.
Baqytjan Saǵyntaev qala ákimi laýazymyna taǵaıyndalǵan sátten bastap ár aýdan turǵyndarymen eki retten kezdesý ótkizgen.
Tamyz aıynda barlyq aýdandarda ótken kezdesýlerdiń birinshi sıkli kezinde 3,5 myńnan astam qala turǵyny qatysty. 880-ge jýyq suraq qoıyldy. Sonyń 123-ine kezdesý barysynda tikeleı túsinikteme berildi. Is júzinde ári uıymdastyrý sharalaryn qabyldaýdy talap etetin 756 másele boıynsha árbir aýdanda is-sharalar jospary quryldy. Olardyń oryndalý nátıjesi boıynsha turǵyndar máselesiniń 40%-ǵa jýyǵy qanaǵattandyryldy, 40%-dan astamyna túsinikteme berildi. Kóterilgen máselelerdiń 20%-yn sheshý úshin ýaqyt qajet. О́ıtkeni sýmen jabdyqtaý, joldardy jóndeý, abattandyrý, problemaly jer ýchaskelerin rásimdeý jumystaryn júrgizý qajet.
22 qarashadan Almaty qalasynyń ákimi B. Saǵyntaevtyń barlyq segiz aýdannyń turǵyndarymen kezdesýiniń ekinshi kezeńi bastaldy. Oǵan shamamen qala turǵyndarynyń 3,8 myńy qatysty. Shamamen 460 almatylyqtan 785-ten astam suraq qoıyldy. Kezdesý qorytyndysy boıynsha kóterilgen máselelerdi sheshý úshin is-sharalar jospary bekitiledi. Abattandyrýǵa, kommýnaldyq jáne ınjenerlik ınfraqurylymǵa qatysty ótinishter sheshimin tapty. Qala turǵyndarynyń ótinishteriniń arqasynda qalalyq bıýdjetiniń baptary qaıta qaraldy
Atap aıtqanda, qarajat syrtqy jaryqtandyrý jelilerin salýǵa baǵyttaldy. Bul jumysty kelesi jyly aıaqtaý josparlanyp otyr. Sondaı-aq taıaýdaǵy eki jylda qosylǵan yqsham aýdandardyń turǵyndaryn taza aýyz sýmen qamtamasyz etý jumystaryn aıaqtaý, júzdegen shaqyrym jańa joldar salý, aýlalardy abattandyrý mindeti qoıyldy.
