Ony ashyp, júrgizip otyrǵan ýnıversıtettiń ǵylym jáne ınnovasııalar jónindegi prorektory, tarıh ǵylymdarynyń doktory A.Ybyraeva alǵashqy sózdi oblys ákiminiń atynan quttyqtaý aıtý úshin ákimniń orynbasary R.Álishevke berdi. Quttyqtaýda óńirdiń qazaq óneri, mádenıeti jáne ádebıetiniń ortalyǵy bolǵan bir ǵasyrlyq basylym oblystyń tarıhı shejiresi ekendigi aıtyldy jáne onyń mereıtoıyn keń kólemde atap ótý jaz aılarynyń birine qaldyrylǵany belgili boldy. Konferensııada baıandama jasaǵan fılologııa ǵylymdarynyń kandıdattary, alashtanýshylar Qaırat Saq pen Zarqyn Taıshybaı «Soltústik Qazaqstan gazetiniń» qabyrǵasynda qyzmet etken aıtýly tulǵalar, Alash qaharmandary týraly zertteýleri týraly tolǵady. Sonymen qatar Q.Saq óziniń sózinde aımaqtyq tilshiler týraly da aıtyp, olardyń osy kúnge deıin zerttelmeı jatqandyǵyn atap ótti. Z.Taıshybaı ózi tapqan gazettiń tarıhı betterinde búginge deıin ózektiligin joımaǵan talaı problemalardy aýyzǵa aldy. Konferensııada Ońtústik Qazaqstan memlekettik ýnıversıteti kolledjiniń dırektory, tarıh ǵylymdarynyń doktory Seıdehan Álibek óziniń baıandamasynda «Soltústik Qazaqstan gazetiniń» redaktorlarynyń biri bolyp, 1937-shi jylǵy repressııanyń qurbany bolǵan týys aǵasy Seıilbek Úsenulynyń ómiri men shyǵarmashylyǵynan mol maǵlumat berdi. Sondaı-aq L.N.Gýmılev atyndaǵy EUÝ-dyń qazaq ádebıeti kafedrasynyń dosenti Qaıyrbek Kemeńger «Soltústik Qazaqstan gazeti» basshylarynyń biri bolǵan atasy Qoshke Kemeńgerulynyń Qyzyljarda qyzmet etken jyldarynan zertteý derekterin alǵa tartty. Mamandyǵy dáriger bolǵan bul aǵamyz naǵyz segiz qyrly, bir syrly bolǵandyǵy da belgili boldy. О́ziniń jazyp, shyǵarǵan segiz kitabynda ol ádebıet, syn, medısına, qoǵam ómiri, agronomııa, tipti hımııa oqýlyǵyn da shyǵarǵan eken.
Sondaı-aq konferensııa jumysyna jergilikti ǵalymdar, jýrnalıster t.b. qatysyp, óńir aınasy týraly óz oılaryn ortaǵa saldy. Reseıdiń Omby qalasynan kelgen «Mıras» qazaq tili men mádenıetin damytý jáne saqtaý qorynyń dırektory Asqar Raısov pen dızaıner, sáýlet eskertkishteriniń sarapshysy I.Vahıtov ta qazaq mádenıetiniń tarıhy óz qalalarynyń arhıvteri men qorlarynda óte mol ekendigi týraly aqparat berdi. Jıynǵa qatysqan ýnıversıtet stýdentteri men muǵalimder belsendi qyzyǵýshylyq kórsetip, ózderi úshin kóp maǵlumat alyp otyrǵany kórinip turdy. Ásirese, oqý ornyndaǵy jýrnalıstıka bóliminde oqıtyn jastardyń qyzyǵýshylyǵy erekshe ekendigi sezildi. Olardyń arasynan keıbiri gazettiń mereıtoıyna arnaǵan óleńderin de oqyp berdi. Sharany uıymdastyrýda úlken belsendilik kórsetken «Jýrnalıstıka» kafedrasynyń meńgerýshisi Aısulý Shaıkenovanyń da eńbegi erekshe ekenin atap ótý kerek.
Konferensııa jumysyn «Soltústik Qazaqstan gazetiniń» basshysy Jarasbaı Súleımenov qorytyndylap, is sharanyń uıymdastyrýshylary men kelgen qonaqtarǵa rızashylyǵyn bildirdi.
QYZYLJAR
