«Taǵaıyndalǵan kúnnen bastap qalada jol, mektepter, aýrýhanalar, balabaqshalar, emhanalar salý, saıabaqtar,baqshalar, qoǵamdyq demalys aımaqtaryn qurý úshin bos jerlerdiń jetispeıtindigin ańǵardym. Sondyqtan men Ortalyq aldyna problemalyq nesıeler qory kepildigindegi jerlerdi qalanyń qaramaǵyna berý máselesin qoıdym», dep túsindirdi qala ákimi B. Saǵyntaev.
2019 jyly 28 jeltoqsanda Qazaqstan Respýblıkasynyń Úkimeti «Problemalyq kredıtter qory» AQ jáne «Kazkom Reality» JShS jerlerin Almaty qalasynyń kommýnaldyq menshigine berý týraly sheshim qabyldady. Beriletin jerlerdiń jalpy kólemi 383,5 ga qurady.
«Bul jerler qala úshin mańyzdy áleýmettik jobalardy júzege asyrý úshin ǵana jumsalady», dep atap ótti B. Saǵyntaev.
Kózdelgen aýmaqtardyń ishinde rekreasııalyq jáne saıabaq aımaqtaryna 166,34 ga bólindi, onyń ishinde 116,74 ga Ile Alataýy taýynyń etegine keledi, munda Baqytjan Saǵyntaevtyń tapsyrmasy boıynsha alǵash ashylǵan taý landshafty saqtap qalýǵa kóńil bólinip otyr. Qala ortalyqtaryn damytý úshin 7 balabaqsha, 4 mektep, oqýshylar saraılary, emhanalar, metropolıten, avtovokzal syndy áleýmettik nysandardyń qurylysyna 87,44 ga jer bólingen. Áleýmettik turǵyn úı qurylysy 66,69 ga quraıdy. Kólik kommýnıkasııasyna ákimdik 38,33 ga bóldi.
Jalpy 2019 jyldyń qorytyndysy boıynsha jer máseleleri boıynsha 6 693 oń sheshim qabyldandy, bul 2018 jylǵa qaraǵanda 2 ese kóp.
Seıfýllın/Jansúgirov kóshelerinde kólik aıryǵyn salý úshin buzý qarastyrylǵan 117 úıdiń ıelerine Abaı dańǵylyn keńeıtý úshin 59 úıdiń menshik ıelerine ótemaqy tólengen.
