Suhbat barysynda qazaqstandyq dıplomat Prezıdent Qasym-Jomart Toqaev aıqyndaǵan negizgi maqsattar men mindetterge, sonyń ishinde «Halyq únine qulaq asatyn memleket» tujyrymdamasyna nazar aýdara otyryp, qoǵamdyq-saıası ómirdi modernızasııalaý jáne Qazaqstan Respýblıkasyndaǵy ekonomıkalyq reformalardyń júzege asyrylýy týraly habarlady.
О́z kezeginde, M.Andrade Qazaqstan men Portýgalııanyń sot júıeleri arasyndaǵy yntymaqtastyqtyń bolashaǵy men mańyzdylyǵyn atap ótip, resmı Nur-Sultannyń memlekettiń turaqty damýyna baǵyttalǵan saıasatyn joǵary baǵalady jáne eki el arasyndaǵy yntymaqtastyqty odan ári nyǵaıý senim bildirdi.
Kezdesý barysynda Qazaqstan Respýblıkasynyń Konstıtýsııasynyń 25 jyldyǵyn merekeleýge erekshe nazar aýdaryldy. Osyǵan baılanysty, D.Batyrashev portýgal ókiline 2020 jylǵy 27-28 tamyzda Qazaqstan astanasynda ótetin «HHI ǵasyrdyń Konstıtýsııasy – quqyqtyń ústemdigi, adam qundylyǵy jáne memlekettiń tıimdiligi» atty halyqaralyq konferensııasyna qatysýyna shaqyrýdy tabys etti.
Portýgalııanyń Konstıtýsııalyq sotynyń tóraǵasy shaqyrýdy rızashylyqpen qabyldady jáne Qazaqstan úshin mańyzdy oqıǵaǵa Portýgalııa tıisti deńgeıde qatysýy úshin bar kúsh-jigerin salatynyna sendirdi.
Sonymen qatar eki el arasyndaǵy qalyptasqan qatynastardyń dostyq jáne syndarly sıpatyn atap ótip, M.Andrade Nur-Sultan men Lıssabon arasyndaǵy seriktestikti odan ári nyǵaıtatyn Qazaqstan Respýblıkasynyń Portýgalııadaǵy Elshiliginiń ashylýyn quptady.
