Mundaı júıeli jumys elimizdiń kolledjderi men joǵary oqý oryndary arqyly iske asyrylýda. Kókshetaýda «Áleýmettik stýdenttik nesıe» jobasy aıasynda ıgilikti jumysqa Qazvolonteer.kz platformasy arqyly Shoqan Ýálıhanov atyndaǵy Kókshetaý memlekettik ýnıversıtetiniń 106 stýdenti qatysady.
–Biz Ǵylym jáne bilim mınıstrligimen kelisimge qol qoıdyq. Stýdentter jumys istep, jalaqylaryn alýy úshin barlyq jaǵdaıdy jasaımyz. Máselen 20 saǵatqa – 20 myń teńge. Al, 50 saǵatqa – 50 myń teńge. Bul tek joǵary oqý oryndarynyń jáne kolledj stýdentterine ǵana qatysty. Biz áleýmettik baǵytty, qart adamdarǵa, az qamtylǵan, jalǵyz basty adamdarǵa kómek kórsetýdi tańdadyq. Bizde dıspetcherlik qyzmet jobasy bar. Biz múmkindigi shekteýli adamdarǵa baryp, kómektesemiz. Mundaı qamqorlyq ájeptáýir ýaqytty alady. «Shans» múgedekterdi ońaltý ortalyǵymen qoıan-qoltyq jumys isteımiz, deıdi «Fenıks» eriktiler ortalyǵynyń jetekshisi Erbol Amanbaev.
Áleýmettik volonterlik degenimiz eresek adamnyń qoǵamǵa paıdaly bolýyn tańdaý erki. Iаǵnı, múgedekter, qart adamdar, jetimder, jalǵyz basty men úısizderge kómek kórsetýi. О́ıtkeni, kómek qolyn sozýda esh kedergi joq.
–Bizde «Snejnyı desant» jobasy bar. Joba aıasynda qańtar aıynan bastap ondaǵan zeınetkerge kómek kórsettik,–deıdi erikti Ársen Jumabekov.
Ýnıversıtet prorektorynyń aıtýynsha, Qazvolonteer.kz. platformasynda damýdyń zor áleýeti bar. Ol jastarǵa usynylǵan baǵyttardy damytýmen qatar, týrızm jáne ekologııa salasyndaǵy jobalardy oılaýǵa bolatynyn atap ótti.
Aqmola oblysy.
