«Medısınalyq qyzmetter qadamdyq qoljetimdilikte bolý kerek. Bul ár yqshamaýdanda 300-500 aýysymmen qabyldaıtyn óz emhanalary bolýy tıis degendi bildirmeıdi. Bul múmkin emes. Dese de, negizgi medısınalyq qyzmetter halyqqa jaqyn iri qoljetimdi bolýy tıis», dedi qala ákimi.
Osy tektes jergilikti medısınalyq uıymdardy turǵyn úılerdiń birinshi qabattaryna ornalastyrýǵa bolady. Qala ákimi 2021 jylǵa deıin osyndaı 39 medısınalyq pýnktiń qurylysy josparlanǵanyn habarlady. Munda turǵyndar medısınalyq qyzmetter ala alady. Jáne atalǵan ortalyqtarda tájirıbeli dárigerler jumys isteıtin bolady. Olar qajetti medısınalyq jabdyqtarmen qamtamasyz etiledi.
Aıta ketý kerek, halyqtyń resmı sany 1,8 mln-nan asqan shahardyń emhanalaryna 110 myńǵa jýyq pasıent tirkelgen.
Medısınalyq kómektiń qadamdyq qoljetimdiligin qamtamasyz etý maqsatynda 2019 jyly 11 medısınalyq uıym ashyldy. Onyń ishindegi bireýi Túrksib aýdanyna qarasty Altaı yqshamaýdanynda salynǵan. 2 densaýlyq saqtaý nysany – №2 qalalyq balalar klınıkalyq aýrýhanasy janyndaǵy konsýltatıvtik-dıagnostıkalyq ortalyq jáne radıologııalyq korpýs salynyp, paıdalanýǵa berildi. О́tken jyly 38 birlik jedel járdem kólikteri, 98 birlik medısına qurylǵysy satyp alynǵan.
Medısınalysh qyzmetterdiń sapasyn arttyrý maqsatynda qalanyń barlyq medısınalyq mekemeleriniń aýdıti júrgizildi. Medısınalyq uıymdarda 30 myńnan astam medısınalyq qural-jabdyqtar bar. Onyń 10,9 myń jabdyǵy eskirgen. Osyǵan baılanysty árbir medısınalyq uıym men aýdanda medısınalyq jabdyqtardy jańartý boıynsha úsh jyldyq jospar daıyndaldy. Mysaly, aǵymdaǵy jyly 78 jedel járdem kólikterin satyp alý josparlanǵan.
