Aımaqtar • 19 Aqpan, 2020

«Aıala» qory Almatydaǵy №10 mektep-ınternatynda 2 sheberhana qurdy

101 retkórsetildi

Búgin «AIаLA» qaıyrymdylyq qory «Kásibı baǵdarlaý» jobasy sheńberinde Almaty qalasyndaǵy №10 mektep-ınternatta eki sheberhana ashty. Bul mektepte kúnkórisi tómen jáne kópbalaly otbasylardyń balalary oqıdy. Endi bul balalardyń «Orıfleım» kompanııasynyń demeýshilik tanytýymen satyp alynǵan eń ozyq tehnologııalarmen tiginshilik jáne aǵash sheberliginiń tamasha daǵdysyn ıgerýge múmkindigi bar.

№10 mektep-ınternatta tigin jáne aǵash sheberhanasy 2016 jyly «Orıfleım» kompanııasynyń demeýshilik kómeginiń arqasynda paıda bolǵan edi. Biraq ol kezde quraldar men materıaldar az boldy. Sondyqtan balalar tiginshilik pen aǵashpen jumys júrgizýdiń negizgi daǵdylaryn ǵana úırene aldy. Endi olardyń eki tolyqandy sheberhanasy bar, munde endi kún saıyn 100-ge jýyq jasóspirim oqýdan ótedi.

О́z kezeginde «Orıfleım» qaıyrymdylyq jobalarynyń basty maqsaty – balalardyń oqýyna jáne kásibı daıyndyqtan ótýine kómek berý, óıtkeni alǵan bilimi olardyń bolashaq berekeli ómiriniń irgetasy bolyp tabylady. «Kóp jyldar boıy biz balalardyń óz armandaryn iske asyrýyna kómektesýge tyrysyp kelemiz jáne bizdiń kompanııanyń mundaı múmkindiginiń bar ekenin maqtanysh tutamyz», – deıdi «Orıfleım» kompanııasynyń ókilderi.

Aǵash sheberhanasyna zamanaýı sheber ústel, «úsheýi birge» fýnksııasy bar aǵash arasy, burǵylaý jáne qaıraý stanoktary, eki ajarlaǵysh mashına, birneshe oıý arasy, burǵy, burama shegeni buraǵysh, sharqaıraq, metall jáne aǵash qol arasy – jalpy 903 400 teńge somaǵa barlyǵy 40-tan astam jabdyqtar ornatylǵan. Aǵash sheberhanasyndaǵy sabaqtardy úlken jumys tájirıbesi bar pedagog Ádil Bekberdıev júrgizedi. Onyń balalardy oqytýdaǵy jospary úlken: azyq-túlik týraıtyn taqtaılar, otyrǵyshtar, ústelder jasaý, mekteptiń aǵash jıhazyn jóndeý. Qazir munyń barlyǵyn satyp alýǵa nemese tapsyrys berýge bolady. Biraq, Ádil Joldasbaıuly mundaı sheberhana balalardyń oqýda neǵurlym jınaqy jáne zeıindi bolýyna kómektesedi dep sanaıdy. Sondaı-aq eresek ómirge paıdaly praktıkalyq daǵdy alýyna kómektesedi, olardy jıhaz jınaýǵa, turǵyn úı jóndeýge jáne bálkim, bolashaq kásibinde qoldanýǵa múmkindik týady.

Bul pikirmen jańartylǵan tigin sheberhanasynda sabaq júrgizetin pedagog Almagúl Mustafına da kelisedi. Osy sabaqtarda joǵarǵy synypta oqıtyn qyzdar tigin mashınasynda qalaı qaýipsiz jáne durys jumys isteýge bolatynyn, matany qalaı durys tańdaý kerektigin biledi.. «Jaı kıimdi nemese tósek aqjaımasyn óz betinshe piship, tigý, matany nemese kıimdi ádemi kesteleý, shalbardy, kóılekti, beldemsheni jóndeý nemese qaıyryp tigý – osyndaı kúndelikti ómirge qajetti daǵdyny qyzdar bizdiń jańa sheberhanada úırenedi. Al muny zamanaýı qaýipsiz jáne jaıly jabdyqta jasaý bárine unaıdy jáne yntalandyra túsedi», – dedi Almagúl Seıfýllaqyzy.

Bes tigin mashınasy, onyń ishinde bir ónerkásiptik, úsh jiptik torlaǵysh, býmen jibitkish, úlken yńǵaıly pishetin ústel, úsh tigin manekeni, útik, útikteý taqtasy, jipter, qaıshylar, ıneler jıyny – barlyǵy 552 050 teńge bolatyn osy tigin sheberhanasy úshin jabdyqtardyń tolyq jıyntyǵyn quraıdy.

«Kásibı baǵdarlaý» jobasyn iske asyrýdyń 6 jyly ishinde bizdiń qor 5 kýrs uıymdastyrdy, 19 arnaıy sheberhana ashty, ondaǵan tamasha jáne úıretýge qushtar adamdardy pedagog jáne tálimger retinde tartty. Biz 5 balany shashtarazdyqqa, 20 oqýshyny – tiginshilikke oqyttyq. 60 jasóspirim úı jaǵdaıynda qarapaıym tamaq daıyndaý kýrsynan ótti. Joǵary synyptardyń 30-dan astam oqýshylary áleýmettik jeliler úshin qyzyqty beıne-kontent jasaýdy úırendi. Almatydaǵy 2 mektep-ınternattyń jáne oblystyq balalar úıiniń 21 jasóspirimi osy aptada vızaj, neıl-stılıst, TD-júrgizýshisi jáne jýrnalıst, saıt jasaý jáne avtoelektrık kýrstarynda oqýyn bastady. Búgin biz №10 mektep-ınternatta eki zamanaýı jáne qaýipsiz sheberhanalardyń jumys isteı bastaǵanyna qatty qýanyp otyrmyz. Osy jobaǵa qoldaý kórsetken «Orıfleım» kompanııasyna úlken alǵysymyzdy bildiremiz. Bul sheberhanalardaǵy sabaqtar kóptegen jasóspirimderdiń ózine jáne óz kúshine senimdi bolýyna kómektesetinine, al keıbireýlerine bolashaq kásibine jáne tipti óz isin bastaýyna jol ashatynyna senimdimiz», dedi «AIаLA» qorynyń prezıdenti Aıdan Súleımenova.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar