Aımaqtar • 19 Aqpan, 2020

Kásipkerler az qamtylǵan almatylyqtardyń gazǵa qosylýyna kómektesedi

12 retkórsetildi

Qala ákimi Baqytjan Saǵyntaevtyń turǵyndarmen bolǵan eseptik kezdesýinde bıznes-qaýymdastyqtyń ókili Sergeı Spısyn Medeý aýdanyndaǵy 50 otbasyna gaz qosyp berýdi qarjylandyrýǵa daıyn ekendigin aıtyp, bastama kóterdi.

«Men Almaty kásipkerler qaýymdastyǵynyń atynan keldim. Qalanyń kez-kelgen turǵyny sııaqty bizdiń ekologııa meni de qatty alańdatady. Jylytý maýsymy bastalǵan kezde meniń balalarym aýyrady. Sondyqtan men Medeý aýdanyndaǵy 50 otbasyna óz esebimnen gaz qosyp berýge daıynmyn», dedi ol.

Sonymen qatar ol basqa kásipkerler men qalalyq uıymdardy onyń bastamasyn qoldaýǵa jáne buryn gazǵa qosylmaǵan úılerdi gazdandyrýǵa kómektesýge shaqyrdy.

«Men kásipker dostarymdy jáne qaladaǵy barlyq kompanııalar meniń osy chellendjimdi qoldasa eken dep oılaımyn. Ásirese, Dýman yqshamaýdanyndaǵy otbasylardyń 300 myń teńgege gazǵa  qosylýǵa shamalary jetpeıdi. Bizder, kásipkerler úshin bul túk emes. Al olardyń búkil otbasynyń tabysy 300 myń teńge. Bul otbasylar osy aqshany birneshe jyl qaıtaratyn bolady. Eger barlyq kásipkerler qoldaý kórsetse, biz qalamyzdy tezirek tazalaımyz», dep tolyqtyrdy sózin ol.

Aıta ketý kerek, Almatyda 2019 jyldyń ekinshi jartyjyldyǵynda 3 myńnan astam jeke úı gazǵa qosyldy. Aǵymdaǵy jyly  az qamtylǵan 210 otbasyna tegin gaz júrgiziledi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar