Aımaqtar • 19 Aqpan, 2020

El aldyndaǵy esep: О́tkenge túıin, erteńge jospar

18 retkórsetildi

Búgin Qyzylorda oblysynyń ákimi Qýanyshbek Ysqaqov el aldynda esep berdi. О́ńir basshysy ótken jyl nátıjelerin saralap, 2020 jylǵa arnalǵan josparlar týraly aıtty.

Jalpy, 2019 jyly ekonomıkanyń barlyq salalary boıynsha ekonomıkalyq ósýdiń qarqyny saqtaldy. Oblys bıýdjeti jyl basynda 239,2 mlrd teńge bolyp bekitilip, jyl sońynda 304,6 mlrd teńgege deıin ulǵaıdy. Bıýdjet qarajatynyń 60% áleýmettik mindetterdi sheshýge jumsaldy. Jalpy jan basyna shaqqandaǵy áleýmettik shyǵystar boıynsha óńir oblystar arasynda kósh bastap tur.

Negizgi kapıtalǵa ınvestısııalar 17,4%, qurylys jumystarynyń kólemi 54,3% , turǵyn úıdi paıdalanýǵa berý 8,8% ósti. Sondaı-aq aýyl sharýashylyǵynyń jalpy óniminiń kólemi 4,3%, óńdeý ónerkásibiniń kólemi 1,3%, bólshek taýar aınalymynyń kólemi 1,5% ulǵaıdy. Jyl ishinde óńirde 17291 jumys orny quryldy, onyń 12678 turaqty. О́tken jyldyń qorytyndysymen Qyzylorda ekonomıkalyq damýdyń 7 kórsetkishi boıynsha 8 úzdik oblystyń qataryna kirdi. Indýstrııalyq-ınnovasııalyq damý baǵytynda da nátıje jaman emes. 2018 jyldyń jeltoqsanynda qoldanysqa berilgen tamponajdy sement zaýyty qazir ónimniń alty túrin shyǵardy. Sement kórshi óńirlerge – Túrkistan, Aqtóbe, Almaty, Jambyl oblystaryna jáne Shymkent qalasyna satylady. Sonymen qatar 40 myń tonna О́zbekstanǵa eksportqa jiberildi, – dedi oblys ákimi.

Halyqty turaqty jumyspen qamtamasyz etý, jumyssyzdyq deńgeıin tómendetý maqsatynda 2018-2020 jyldar aralyǵy óńirde jappaı kásipkerlikti damytý jyly bolyp jarııalanǵan. Júıeli sharalar nátıjesinde jumys istep turǵan kásipkerlik sýbektileriniń sany sońǵy jyly 9,3% ósip, 46297 birlikti qurady. Kásipkerlik sýbektilerinen túsken salyq túsimderiniń kólemi 11 % ósti. 2019 jyldyń basynan bastap ekinshi deńgeıli bankter shaǵyn jáne orta bıznes sýbektilerine jalpy somasy 21,9 mlrd teńge bolatyn kredıtter berdi, onyń ishinde memlekettik baǵdarlamalar sheńberinde jalpy somasy 5,6 mlrd teńgege 166 joba qarjylandyryldy.

1

О́ńir basshysy  oblystyń áleýmettik-ekonomıkalyq damýynyń 2019-2022 jyldarǵa arnalǵan keshendi jospary aıasyndaǵy jumystardy da aıtyp ótti. Qazaqstan Respýblıkasy Úkimetiniń qaýlysymen bekitilgen jospar sheńberinde 2020 jyly Shý-Sarysý shógindi basseıninde munaı-gaz perspektıvaly qurylymdaryn anyqtaý maqsatynda jer qoınaýyn zertteý jumystary bastalady. Ekonomıkanyń túrli salalaryna joǵary tehnologııalardy jedel engizý úshin sıfrlandyrý boıynsha 2018 jyldan bastap 47 joba iske asyryldy, qazirgi ýaqytta 11 joba boıynsha jumystar júrgizilýde. Qyzylorda oblysy birinshi bolyp «Biryńǵaı kezekshilik dıspetcher qyzmeti» jobasyn iske qosty. Endi barlyq jedel qyzmetter (101, 102, 103, 112) biryńǵaı «112» nómirimen jumys isteıtin bolady.  

Oblys ákiminiń esep berý baıandamasynan keıin turǵyndar saýal qoıdy. Olardyń arasynda múgedekterge arnalǵan Invataksı qyzmetin ulǵaıtý, keıbir eldimekenderge aýyzsý jetkizý, jol men kópir salý sekildi máseleler aıtyldy. Aýdandardan túsken usynys-tilekter CALL-ortalyq arqyly qoıyldy. Oblys basshysy barlyq saýaldarǵa jaýap berip, osy baǵytta atqarylatyn sharalar jaıly aıtyp ótti.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar