Búgin О́skemendegi Dáýlet Serikbaev atyndaǵy Shyǵys Qazaqstan memlekettik tehnıkalyq ýnıversıtetinde Abaı jylynyń saltanatty ashylý rásimi ótti.
Saltanatty shara oqý orynyń birinshi prorektory Sáýle Rahmetýllınanyń quttyqtaý sózimen ashyldy.
«Bıylǵy jyl - memleketimiz úshin erekshe jyl. Erekshe bolatyny, oıshyl, aqyn Abaı Qunanbaıulynyń 175 jyldyǵy. Bul mereıli dataǵa bizdiń ýnıversıtetimiz de óz úlesin qosady. Abaıdyń murasy – parasatty patrıotızmniń mektebi, eldikti qadirleýdiń negizi. Bizdiń oqý ornynyń basty mindeti – Abaı murasyn, eńbekterin urpaq sanasyna sińirý. Osy oraıda ýnıversıtetimizde kóptegen jobalar qolǵa alynýda. Sonyń biri – «Adam bol» akademııasy. Bul joba stýdentterdiń sanasyn jańǵyrtýǵa baǵyttalǵan. Ýnıversıtet túlekteri qandaı ortada bolsyn básekege qabiletti bolýy tıis. Oqý ornymyzda «21 ǵasyrdaǵy Abaı» kýrsy oqytylady. Buǵan ýnıversıtette uzaq jyl eńbek etken abaıtanýshy Evgenıı Grıgorevtiń úlesi zor. Bıyl ol kisiniń kitabyn qaıta shyǵarmaq oıymyz bar. Sonymen qatar úlken ǵalym, abaıtanýshy Ǵarıfolla Esim men professor Shahmardan Ábilovti arnaıy shaqyryp, dóńgelek ústel ótkizýdi josparlap otyrmyz» dedi ol óziniń quttyqtaý sózinde.
Shara odan ári án men kúıge ulasty.
V.Tkach, Iý.Iýrochkına, J.Bısımbaev sekildi ónerpazdar Abaıdyń «Kózimniń qarasy», «Aıttym, sálem, Qalamqas» ánderin áýeletse, «Baıjigit» atyndaǵy ult-aspaptar orkestri birneshe kúıdi kúmbirletti.
О́SKEMEN
Sýretterdi túsirgen Tileýbek ShAIаHMET
