BALASYNYŃ KО́ZINShE ShEShESIN О́LTIRGEN
35 jastaǵy Qyzylorda oblysynyń turǵyny asa qatygezdikpen adam óltirgeni úshin 16 jylǵa temir torǵa toǵytyldy.
Qyzylorda oblysynyń qylmystyq ister jónindegi mamandandyrylǵan aýdanaralyq soty QR QK-niń 96-babynyń 2-bóliginiń «d» tarmaǵymen kináli dep tanylǵan asa qatygezdikpen adam óltirgen bul azamatqa qatysty sot úkimin jarııa etti.
BALASYNYŃ KО́ZINShE ShEShESIN О́LTIRGEN
35 jastaǵy Qyzylorda oblysynyń turǵyny asa qatygezdikpen adam óltirgeni úshin 16 jylǵa temir torǵa toǵytyldy.
Qyzylorda oblysynyń qylmystyq ister jónindegi mamandandyrylǵan aýdanaralyq soty QR QK-niń 96-babynyń 2-bóliginiń «d» tarmaǵymen kináli dep tanylǵan asa qatygezdikpen adam óltirgen bul azamatqa qatysty sot úkimin jarııa etti.
Sottalýshy B. óziniń kórshisi azamatsha S.-nyń úıine kelip, qaryzǵa 1500 teńge aqsha suraǵan. Sol jerde jábirlenýshi S. sottalýshy B.-ǵa 500 teńge beredi. Ol 500 teńgeni azsynyp, qanaǵattanbaı, dórekilik tanytyp, S.-ǵa ar-namysyna tıetin sózder aıtqan kezde, ekeýiniń arasynda janjal týǵan.
Sottalýshy janjaldy sebep etip, S.-nyń qasynda kámelettik jasqa tolmaǵan balasy bar ekenin bile tura, onyń oń jaq betinen bir ret uryp, jeńil dárejeli dene jaraqatyn salǵan. Soqqy alǵan S. sottalýshy B.-ny toqtatýǵa kúshi kelmeıtinin bilip, odan qasha bergen kezde, ol artynan qýyp jetip, ashanadaǵy ústel ústinde jatqan pyshaqty jasóspirim balanyń kózinshe, jábirlenýshige aıaýsyz suǵady. Osylaısha, sottalýshy qasaqana kisi óltirýge baǵyttalǵan áreketimen jábirlenýshiniń kámeletke tolmaǵan balasyn jan kúızelisine túsirgen.
Osy sátte, anasynyń qansyrap, qınalyp jatqanyn kórgen kámeletke tolmaǵan uly qolyna aǵash oqtaý alyp, anasyn arashalamaqshy bolyp, sottalýshy B.-nyń basynyń shúıde tusynan eki-úsh ret uryp, onyń qylmystyq áreketine tosqaýyl qoıýǵa tyrysqan. Alaıda, sottalýshy B. jasóspirim balanyń anasyna arasha túsý maqsatyndaǵy is-áreketterine mán bermeı, jan kúızelisinde júrgenin bile tura, alǵan jaraqattarynan álsirep jatyn bólmege qashyp bara jatqan jábirlenýshi S.-nyń artynan qýyp jetip, uryp-soǵyp, birneshe ret ústi-ústine pyshaq salyp, oqıǵa bolǵan jerden boı tasalaǵan.
Jábirlenýshi S. tán zardabyn shegip, kámeletke tolmaǵan balasynyń kóz aldynda es jımastan qaıtys bolǵan, dep habarlaıdy Qyzylorda oblystyq sotynyń baspasóz qyzmeti.
ANASY ALTY JASAR ULYN AǴYZYP JIBERMEK BOLǴAN
«Estimegen elde kóp». Búginde buǵan deıin estimek turmaq, túsimizge de kirmegen talaı sumdyq oqıǵalardan kúnde derlik habardar bolyp turatyn boldyq. Solardyń biri ótken senbi kúni tús kezinde О́skemende oryn alǵan. Osy qalada turatyn 50 jastaǵy áıel óziniń 6 jasar ulyn sýǵa batyryp, aǵyzyp jiberýge áreket jasaǵan.
Bul oqıǵanyń aldyn alyp, der kezinde tıisti oryndarǵa habarlap úlgergen 15 jasar jasóspirim bolyp shyqty. Osy kezde sol mańaıda bir top bala sýǵa túsip jatypty. Solarmen birge júrgen jańaǵy estııar jetkinshek bir áıeldiń kishkentaı búldirshindi ishki kıimine deıin sheshindirip, sosyn qolynan jetektep, aryraq aparyp, sýǵa batyra bastaǵanyn baıqap qalady. Muny kórgen jasóspirim kóp oılanbastan, solarǵa qaraı tez júzip jetedi. Ol barǵan boıda jylap turǵan balany áıeldiń qolynan tartyp alyp, dereý «jedel járdemge», tótenshe jaǵdaılar departamentine jáne polısııaǵa dabyl túsiredi.
Qazir áıel oblystyq psıhonevrologııalyq dıspanserde tekserilip jatqan kórinedi. Onyń aqyl-esi durys nemese durys emes ekenin sol tekserý anyqtaıdy. Ázirge ol sodan keıin ózi de ómirmen qoshtaspaq bolǵan degen ǵana boljam bar.
Qurysh NURYMBET.
