Aımaqtar • 20 Aqpan, 2020

Sońǵy kúnderdiń borany surapyl

102 retkórsetildi

Soltústik Qazaqstan oblysynda jeldiń qatty kúsheıýimen birge joldyń kóktaıǵaqqa aınalýy qaýpi zor bolyp tur.

Qaı kúnde qatty bolatyn aqpannyń borany bıyl tipten ashýly. Aýa raıy kúrt ózgergen ýaqytta oqys jaǵdaılardy boldyrmaý úshin tártip saqshylary jáne tótenshe jaǵdaı qyzmetkerleri jol qyzmetteriniń, jergilikti atqarýshy organdardyń ókilderimen birge tyǵyz baılanysta jumys isteýde.

Boran qaýpi bolýy sebepti alys jolǵa shyǵýdan bas tartý týraly eskertýler men usynymdar SMS-habarlamalar men áleýmettik jeliler arqyly jappaı jiberililip jatyr. Biraq oblys turǵyndarynyń keıbiri buǵan qaramaı jolǵa shyǵyp, qar qursaýynda qalyp qoıýda. Sonyń biri Ǵabıt Músirepov aýdanynyń 55 jastaǵy turǵyny Sergeı Tarasov. Ol  keshkisin Tahtabrod aýylynan Novoıshımskoe selosyna bara jatqan. «Ekaterınbýrg-Almaty» tas jolyndaǵy Rýzaevka aýylynyń mańynda borannyń qursaýyna túsip, alǵa júrýge múmkindigi bolmaı, turyp qalady. Osy jerde Sergeı Tarasov basqa azamattardyń qaýipsizdigin oılap, smartfonyna beıneúndeý jazyp alyp, óz tarapynan jerlesterine ózine tóngen qaýipti kórsete otyryp, jolǵa shyǵýdyń qaýipti ekenin eskertken. Aınalasy bir saǵattyń ishinde onyń úndeýi soltústikqazaqstandyq jáne Aqmola oblysynyń chattarynda tarap ketti.

Osy aýdannyń Polısııa bóliminiń bastyǵy, polısııa podpolkovnıgi Aıdos Idirisovtiń aıtýyna qaraǵanda 18 aqpan kúni qar qursaýynan 6 fýra, 6 «KamAZ», 10 jeńil kólik pen 2 «Gazel» avtokóligi shyǵarylǵan. Júrgizýshiler men jolaýshylardyń birshamasy Rýzaevka selosyndaǵy qonaqúıge, qalǵandary lıseı jataqhanasyna ornalastyryldy. Barlyǵy ystyq tamaqpen qamtamasyz etiledi.

Al Jambyl aýdanynda patrýldik polıseıler men tótenshe jaǵdaı qyzmetkerleri Qytaı Halyq Respýblıkasynyń azamatyna da kómek kórsetken. Borannyń bolatynyn aıtqan eskertýlerge qaramaı jolǵa shyqqan 32 jastaǵy Djan Sıaobo «Renault Duster» avtokóligimen Nur-Sultan qalasynan Qaırankól aýylyna shyǵyp ketken. Joldaǵy «Ýkraınskoe» selosyna 5 kılometr qalǵan jerde onyń kóligi qalyń qarǵa keptelip, óte almaı qalǵan. Saqshylar men qutqarýshylardyń, jergilikti atqarýshy organdardyń kúshimen arnaıy tehnıka jumyldyrylyp, qytaılyqtyń kóligi qardan shyǵaryldy. Djan Sıaobo da beınejazba túsirip, ózine kómek kórsetkenderge shyn júrekten alǵysyn aıtty.

О́ńirde aqpan aqyryp, boran áli de tynshymaı tur. Oblystyń PD bastyǵy, polısııa polkovnıgi Marat Tólebaev aýa raıynyń qolaısyzdyǵyna baılanysty jeke quramǵa qala syrtyndaǵy joldardy táýlik boıy baqylaýdy jáne kómekke muqtaj azamattarǵa jedel túrde qol ushyn berýdi tapsyrdy. Basty maqsat – boran saldarynan eshkimniń zardap shekpeýin qamtamasyz etý.

Soltústik Qazaqstan oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar