Aımaqtar • 20 Aqpan, 2020

«Shekaradan basqa eldiń azamattary ótpeıdi»: Oblys ákimi Danıal Ahmetov Zaısanǵa bardy

1064 retkórsetildi

Qazirgi ýaqytta Qytaı shekarasynan birde-bir kisi ótken joq.

Keshe Zaısan aýdanynyń Saryterek jáne Aınabulaq aýylynyń turǵyndary «Qytaıdan kelgenderdi koronavırýsqa baılanysty osy aýyldardaǵy medısınalyq pýnktterge ornalastyrady» degen anyq-qanyǵy belgisiz habardy bir-birinen estip, buǵan óz narazylyqtaryn bildirgen bolatyn. Áleýmettik jelilerde Zaısan aýdanynyń bas dárigeri men onyń orynbasary Saryterek aýylynyń turǵyndaryna áldebir buıryqty kórsetip, osy buıryq negizinde aýyldaǵy ambýlatorııaǵa Maıqapshaǵaı shekara beketinen beri qaraı ótken azamattardy 14 kúnge jatqyzyp, baqylaý jasaıtyny, tipti aýyldaǵy ambýlatorııaǵa tósekterdi kirgizip qoıǵany jaıynda aıtylyp, vıdeo arqyly kórsetilgen-di. Aýyl turǵyndary «Muny aýdan basshylyǵy bizge nege aldyn ala eskertpeıdi? Nege túsindirip aıtpaıdy? Biz buǵan qarsymyz» dep keshe óz narazylyqtaryn jetkizgen-di. Sodan keıin túngi 11-ler shamasynda Zaısan aýdany ákimi bastaǵan, aýdandyq prokýror, Ishki ister bóliminiń basshylary, aýdandyq aýrýhananyń bas dárigeri aýyl turǵyndarymen kezdesýge barǵan bolatyn. Bul týraly keshe túnde Zaısan aýdandyq Ishki saıasat, mádenıet jáne tilderdi damytý bóliminiń basshysy Nurlybek Qalıbaev: «Halyqpen kezdestik. Túsindirdik. Halyq «Tósekterdi alyp ketińder» dep talap qoıdy. Kólikterdi aparyp, tósekterdi alyp ketti. Saryterekte halyq tarady. Al Aınabulaqta halyq qaıta jınalǵannan keıin bardyq. Tósekterdiń bárin tıep alyp ketti. Qazir halyq tarap jatyr. Halyq «Erteń tańerteń túsindirý jumystaryn júrgińizder» dep talap etip otyr. Erteń buıyrsa, kelemiz» degen-di.  

Búgin tańerteń jaǵdaıdyń mán-jaıyn bilý úshin Zaısanǵa О́skemennen oblys ákimi Danıal Ahmetov arnaıy kelip, alańdaǵan jurtpen kezdesti. «Qazirgi ýaqytta Qytaı shekarasynan birde-bir kisi ótken joq. Birden aıtaıyn, shekaradan basqa eldiń azamattary ótpeıdi. Ekinshiden, biz shekaradan tek qazaqstandyqtardy ǵana ótkizýimiz kerek. О́ıtkeni, olar bizdiń eldiń azamattary. Olar 14 kún baqylaýda bolýy kerek» dedi oblys ákimi.

Osy jerde oblys ákimine aýdan turǵyndary tarapynan: «Keshe  aýdan ákimin saǵat 3-ten bastap kúttik. Túngi saǵat 11 jarymda keldi. Jergilikti bılik halyqpen sanaspaıdy», «Qytaıdan keletinderdi nege aýdandyq aýrýhanaǵa emes, aýyl aýrýhanasyna ornalastyrmaq?», «Biz shekaranyń jabylýyn talap etemiz» degen pikirler aıtyldy.

Jergilikti belsendi azamattar oblys ákimine búgin saǵat 12:00-de aýdandyq Mádenıet úıinde halyqqa jaǵdaıdy túsindirýdi surady. Eger jıyn ótetin bolsa, bul týraly aqparatty aldaǵy ýaqytta jarııalaımyz.

 

Shyǵys Qazaqstan oblysy

Zaısan aýdany

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar