Burnaǵy kúni Almaty oblysyndaǵy «Ile» polıgonynda «Dala qyrany» halyqaralyq bitimgershilik oqý-jattyǵýy bastaldy. Onyń ashylý saltanatyna Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy, general-polkovnık Sáken Jasuzaqov, qatysýshy elder qolbasshylyǵynyń ókilderi jáne bir top sheteldik baqylaýshylar qatysty.
Burnaǵy kúni Almaty oblysyndaǵy «Ile» polıgonynda «Dala qyrany» halyqaralyq bitimgershilik oqý-jattyǵýy bastaldy. Onyń ashylý saltanatyna Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy, general-polkovnık Sáken Jasuzaqov, qatysýshy elder qolbasshylyǵynyń ókilderi jáne bir top sheteldik baqylaýshylar qatysty.
«Dala qyrany» taktıkalyq-arnaıy bitimgershilik oqý-jattyǵýy Qazaqstan Respýblıkasy men NATO arasyndaǵy áriptestik qımyldarynyń derbes josparyn júzege asyrý, sondaı-aq «Beıbitshilik úshin áriptestik» baǵdarlamasy sheńberinde ótkizilip keledi.
Alǵashqy «Dala qyrany» oqý-jattyǵýy osydan on jyl buryn, ıaǵnı 2003 jyly, dál osy jerde ótkizilgen edi. Mine, sodan beri oǵan qatysýshylardyń sany jyl sanap artyp keledi. Bıyl onynshy ret ótkizilip otyrǵan oqý-jattyǵýǵa Qazaqstan, AQSh, Ulybrıtanııa, Lıtva, Shveısarııa, Italııa, Qyrǵyzstan, Tájikstan memleketteri Qarýly kúshteriniń ókilderi qatysady. Jattyǵýlardyń barysyn Ispanııa, Germanııa jáne Belarýs Respýblıkasynyń baqylaýshylary baqylaıtyn bolady.
Bul jolǵy jattyǵýǵa Qazaqstan jaǵynan «Qazbat» bitimgershilik batalony tolyq quramda, «Qazbrıg» bitimgershilik brıgadasynyń shtaby jáne Qazaqstan Qarýly Kúshteri Aeroutqyr áskerleri qolbasshysy basqarmasynyń áskerı qyzmetshileri tartylǵan. Sonymen qatar, Qurlyq áskerleri jáne Áýe qorǵanysy kúshteriniń bólimsheleri de bolady.
«Qazbrıg» bitimgershilik brıgadasynyń oqý ortalyǵynda bastalǵan osy jıynnyń negizgi maqsaty – komandırler men shtabtardyń bitimgershilik operasııalaryn júrgizý barysynda bólimsheler arasyndaǵy ózara is-qımyl men sheshim qabyldaýdy uıymdastyrýdaǵy tájirıbelik daǵdylaryn jetildirýge baǵyttalǵan. Sonymen qatar, bólimsheler qarsylas taraptar arasyndaǵy qaqtyǵys jaǵdaıynda beıbitshilikti qoldaý boıynsha jaýyngerlik úılesimdiligin de arttyratyn bolady.
«Egemen-aqparat».
