Aımaqtar • 20 Aqpan, 2020

Aqtaýlyq eki oqýshy Nıý-Iork ýnıversıtetine grant jeńip aldy

90 retkórsetildi

Aqtaý qalasyndaǵy Nazarbaev Zııatkerlik mektebiniń 12-synyp oqýshysy Saǵynbek Talǵatuly men Aııa Sartbaeva Abý-Dabı qalasyndaǵy New York University (NYUAD) joǵary oqý ornynyń bilim grantyna ıe boldy. Bul týraly atalǵan mekteptiń baspasóz qyzmeti habarlady.

Aııa – bilim ordasynyń úzdik, belsendi oqýshylarynyń biri. Ol bilim ordasynda tildik qabiletterin shyńdap qana qoımaı «Telestýdııa» úıirmesine belsendi qatysty. Sonymen qatar, túrli jarystarda, pikirtalas klýbtaryna múshelikke ıe. Sońǵy jyly zııatker BUU Modeli klýbynda belsendilik tanytty. Grant ıegeriniń sózinshe, onyń mektep ómirine, sharalarǵa, úıirmelerge belsendi qatysýy ýnıversıtetke túsýge arnalǵan suhbat barysynda úlken kómek kórsetken. Jas zııatker

-Ýnıversıtet týraly qazan aıynda áleýmettik jelilerden bildim. Keıin qajetti qujattar tizimimen tanysyp, kásibı baǵdar berý keńesshisiniń kómegimen jınaqtadyq. О́tken aptada bizdi Abý-Dabıge suhbatqa shaqyrdy. Sol jerde 75 mınýtqa sozylǵan taqyryptyq esse jazyp, professorlarmen suhbattasyp, ýnıversıtettpen tanystyq. Qalany kórýge de múmkindik jasady. Al búgin jaýabyn oqý ornyna shaqyrý qaǵazy arqyly jiberdi. Qýanyshymda shek joq, deıdi Aııa Sartbaeva.

1

Saǵynbek Talǵatuly - zııatkerlik mektepteriniń betke ustar oqýshylarynyń biri. Fızıka, matematıka páninen birneshe halyqaralyq olımpıadalar jeńimpazy. Sondaı-aq, robototehnıka men ǵylymı jobalar baıqaýynda da boı kórsetip júldeli oryndardan kórinip júr.

Abý-Dabıdegi Nıý-Iork ýnıversıteti – AQSh- taǵy Nıý-Iork zertteý ýnıversıtetiniń bólimi. 2010 jyly alǵash stýdentterin qabyldaǵan ýnıversıtet bólimi búginde ınjenerııa, gýmanıtarııa-jaratylystaný baǵytyndaǵy mamandardy daıarlaıdy. Ýnıversıtettiń úmitkerlerden talaby óte joǵary. Statıstıkalyq derekterge súıensek, jyl saıyn atalǵan oqý ornyna 144 myńnan asa ótinim kelip túsedi. Onyń 4 paıyzy ǵana oqýǵa qabyldanady eken.

Sońǵy jańalyqtar

Jańa apparattar ókpeni tazartýda

Aımaqtar • Búgin, 15:57

Muńǵa toly minájat

Rýhanııat • Búgin, 15:19

Uqsas jańalyqtar