Aımaqtar • 20 Aqpan, 2020

Jaǵa ustatqan jat qylyq

45 retkórsetildi

Eger adam jumyssyz bolyp nemese jeke basyndaǵy, otbasyndaǵy, qyzmetindegi túrli qıynshylyqtardan kúızeliske túsip, ózine ózi qol jumsasa ondaıdy da qoǵamǵa jat qylyq sanaımyz. Al qol aıaǵy balǵadaı, qyzmeti bar, kúndelikti ómirde azamattardyń zańdy jolmen júrýin, adam ómiriniń saqtalýyn, qoǵamdyq tártiptiń  buzylmaýyn qadaǵalaıtyn tártip saqshysy ózine ózi qol jumsaǵandyǵy shekten shyqqan qylyq ekendigi daýsyz.

Jýyrda Petropavl qalasynda osyndaı óreskel jaǵdaı oryn aldy. 29 jastaǵy tártip saqshysy ózine-ózi qol jumsap, ómirden ótken. Onyń oblys ortalyǵynan 40 shaqyrym jerde ornalasqan Smırnovo selosynyń turǵyny ekeni anyqtaldy. Polısııa qatarynda istep júrgenine bir-aq jyl bolypty. Al ózine ózi qol jumsaý faktysy Petropavl qalasynda jasalǵanymen marqum Aqqaıyń aýdany polsııa bóliminde qyzmet istegen. Bul týraly PD bas mamany Sán Jumaǵazına aıtty. «Qazir sýısıd jasaý boıynsha ózindik qaýipsizdik basqarmasy qyzmettik tekseris júrgizýde. Tergeý barysy – Soltústik Qazaqstan oblystyq PD bastyǵy, polkovnık Marat Tólebaevtyń jeke baqylaýynda», dedi ol.

Atalǵan fakti Qylmystyq kodekstiń 105-baby boıynsha sotqa deıingi tergep-tekserýdiń biryńǵaı tizilimine engizilgen eken. Qazir jigitti mundaı qadamǵa barýǵa ne ıtermelegeni anyqtalyp jatyr.

BAQ-qa aqparat berýshi qyzmetkerdiń osynaý jalań, qurǵaq faktileriniń ar jaǵynda adamnyń qıyn taǵdyry jatyr. Uly Abaı 37-shi qarasózinde: «Adam balasyn zaman ósiredi, kimde-kim jaman bolsa, onyń zamandasynyń bári vınovat», degen ǵoı. Endeshe tepse temir úzetin azamattyń mundaı jaǵdaıda deıin barýyna qorshaǵan ortanyń  bári, sonyń ishinde qyzmet oryny, basshylary, úı-ormany, jora-joldastary – báriniń de kinási bar ekendigi eskerilse ǵoı. «Qıyndyqqa shydamady, ózi kináli» degen sııaqty aıtyla-aıtyla jaýyr bolǵan sózdermen jaba salsaq, mundaı oqıǵalar aldaǵy ýaqyttarda da úzilmeıdi. Sondyqtan bul istiń arty tergeýden basqa basqalardyń bári sabaq alatyndaı úlken talqyǵa salyný kerektigi sózsiz.

PETROPAVL

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar