Qoǵam • 20 Aqpan, 2020

Tabysy az otbasylar áleýmettik kómek alady

567 retkórsetildi

Qazaqstannyń birqatar qalalarynda tabysy az otbasylardyń balalaryna kepildik berilgen áleýmettik toptamalar berý bastaldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Azyq-túlik jıyntyqtary bar qoraptardy jetkizýdi birinshi bolyp bastaǵandar – Qaraǵandy ​​oblysynyń Prıozersk, Buqar jyraý aýdandary, Atyraý oblysynyń Isataı, Maqat aýdandary jáne Batys Qazaqstan oblysynyń Býrlın, Kaztalov aýdandary. Úsh aımaqta toptamany jalpy sany 324 otbasynan 420 bala aldy.

Aqpan aıynyń sońyna deıin ataýly áleýmettik kómek (budan ári – AÁK) alatyn tabysy az otbasylardaǵy 1-den 6 jasqa deıingi 64 myń bala kepildik berilgen áleýmettik toptamaǵa ıe bolady dep josparlanýda.

AÁK alýshylardyń sany aı saıyn ózgeretinin eskere otyryp, kepildendirilgen áleýmettik paket alýshylar sany da sáıkesinshe ózgerip otyrady, sondyqtan aqpan aıynyń azyq-túlik toptamalary naýryz aıynda beriledi.

Aıta keteıik, azyq-túlik jıyntyǵy balalardyń jas sanatyna baılanysty quramy boıynsha erekshelenedi: 1-den 3 jasqa deıin jáne 3-ten 6 jasqa deıin, biraq áleýmettik pakettiń quramy aımaqqa qaramastan birdeı bolady. Jınaqtardyń quramy fızıologııalyq erekshelikterdi, azyq-túliktiń taǵamdyq jáne energetıkalyq qundylyǵynyń araqatynasyn jáne jasyna sáıkes olardy paıdalaný normalaryn eskere otyryp,  Densaýlyq saqtaý mınıstrliginiń usynymdary negizinde qalyptastyryldy. Jınaqtar ártúrli jarmalardy, pıýreni, shyryndy, sútti jáne t. b. qamtıdy. О́nimder vıtamındelgen, bul ósip kele jatqan aǵzadaǵy vıtamınderdiń jetispeýshiligin tolyqtyrýǵa múmkindik beredi.

Budan basqa, toqsanyna bir ret tabysy az otbasydaǵy árbir balaǵa (1 jastan 6 jasqa deıin) gıgıenalyq quraldar jıyntyǵy beriledi.

Ár óńir áleýmettik paketter berý jónindegi jumysty alýshyǵa jetkizý jolymen nemese berý pýnktteri arqyly uıymdastyrady.

6 jastan 18 jasqa deıingi balalarǵa mektepterde ystyq tamaq, oqý quraldary men mektep kıimin berý kózdeledi. Sondaı-aq, osy sanattaǵy balalar úshin mektepke deıingi jol júrý shyǵyndary óteletin bolady. Bul máselelerdi Bilim jáne ǵylym mınıstrligi úılestiredi.

Medısınalyq, onyń ishinde stomatologııalyq kómek 18 jasqa deıingi balalarǵa tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý sheńberinde kórsetiletin bolady. Tabysy az otbasylardyń balalaryn áleýmettik qoldaýdyń bul baǵyty Densaýlyq saqtaý mınıstrliginiń quzyryna jatady.

Esterińizge sala keteıik, Memleket basshysy Qasym-Jomart Toqaevtyń 2 qyrkúıektegi Qazaqstan halqyna Joldaýynda aıtylǵan tapsyrmasy boıynsha AÁK taǵaıyndaý mehanızmi onyń aıqyndylyǵyn, ádildigin jáne eńbekke degen yntany qamtamasyz etý maqsatynda túzetildi. Memlekettik kómektiń jańa sharalary 2020 jyldyń 1 qańtarynan bastap keshendi túrde iske asyrylady jáne mynalardy qamtıdy: 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn stýdent balalary bar kópbalaly otbasylarǵa arnalǵan jańa memlekettik járdemaqy; jańǵyrtylǵan ataýly áleýmettik kómek, tabysy az otbasylardyń balalaryna arnalǵan kepildik berilgen áleýmettik toptama.

Sońǵy jańalyqtar

Nur-Sultanǵa Qytaıdan dárigerler toby keldi

Koronavırýs • Búgin, 22:16

Almatyda avtobýstar sany artady

Aımaqtar • Búgin, 22:07

Onlaın oqyrmanymyz 100 myńnan asty

Qazaqstan • Búgin, 20:33

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Uqsas jańalyqtar