Aımaqtar • 20 Aqpan, 2020

Soltústik Qazaqstanda 37 adamy bar 15 kólik qutqaryldy

121 ret

kórsetildi

2 mın

oqý úshin

At qulaǵy kórinbes aqpannyń aqyrǵan borany Soltústiktiń joldaryn jaýyp tastaǵanymen qoımaı, jeńil kólikterdi qarǵa kómip jatyr. 20 aqpanǵa qaraǵan túni qar qursaýynda qalǵan, joǵaryda aıtylǵan kólikter tegis Tımırıazev aýdany Dmıtrıevka selosynyń mańyndaǵy «KT-27» dep atalatyn «Voloshenka – Tımırıazev» respýblıkalyq mańyzy bar avtojolynda №18-shi órt sóndirý bóliminiń «Nıva Bronto» jol talǵamaıtyn kóligi jáne 3 «DEÝ–63» tehnıkasynyń kúshimen qardan qazylyp alyndy. 15 birlik avtokólikte 37 adam, onyń ishinde 1 bala bolǵan.

Jaqsybaı SAMRAT

Soltústik Qazaqstanda 37 adamy bar 15 kólik qutqaryldy

Áıteýir qaza bolǵandar men zardap shekkender joq. Sınoptıkter aldaǵy kúnderde de osyndaı kúrdeli aýa-raıy saqtalady dep boljaýda. Aýanyń temperatýrasy asa sýyq bolmasa da kúshti boran kóz ashtyrar emes.

Qazir Soltústik Qazaqstan oblysynda avtokóliktiń barlyq túrleri úshin avtojoldardyń 42 ýchaskesinde qozǵalys jabyldy. Onyń ishinde 5-ýi respýblıkalyq mańyzy bar, 37-si oblystyq mańyzy bar joldar. TJ departamentiniń, polısııa departamentiniń, jolaýshylar kóligi jáne avtomobıl joldary basqarmasynyń, «QazAvtoJol UK» AQ jaýapty qyzmetkerleriniń qatysýymen oblystyq jedel shtab jumys isteıdi, zardap shekkenderden habar qabyldaý úshin «jedel jeli» jumysqa qosylǵan.

Respýblıkalyq mańyzy bar «Jezqazgan – Petropavl» avtojolynyń Keńes jáne Jańajol aýyldarynyń arasyndaǵy 30 shaqyrymdyq ýchaskeden Shal aqyn aýdanynyń № 6-shy órt sóndirý qyzmeti quraldarynyń kúshimen jáne «ASA–20» avarııalyq-qutqarý avtokóligi paıdalanylyp jol jıegine túsip ketken metall qubyrlarmen tıelgen VOLVO júk avtomobıli shyǵaryldy. Bul qutqarý jumysyna ınjenerlik tehnıkanyń 6 birligi men jeke quramnyń 12 adamy jumyldyryldy.

Aqpannyń aıyqpas boranymen aıqas odan ári jalǵasýda.

Soltústik Qazaqstan oblysy