«Boker» evreı etnomádenı ortalyǵynyń Jastar qanaty qurylǵan kúnnen bastap, kóptegen ıgi sharalardy uıymdastyryp keledi. Jaqynda olar «Kóktem» jazǵy alańynda qalalyq Dostyq úıimen birlese, Qazaq fýtbolynyń 100 jyldyǵy jáne Astana qalasynyń 15 jyldyǵyna oraı «Biz óz elimizdiń patrıottarymyz!» atty konserttik baǵdarlamasyn uıymdastyrdy. Atalǵan sharaǵa 150-den astam adam qatysty.
Bul is-sharanyń negizgi maqsaty jastardyń bos ýaqytyn mándi ótkizý bolyp tabylady. Sondaı-aq, salamatty ómir saltyn qalyptastyrý, sonymen qatar qala turǵyndaryna Dostyq úıiniń etnomádenı birlestigin jaqyn tanystyrý da asa mańyzdy, deıdi qalalyq ákimdiktiń mamandary. Shaǵyn aýdannyń turǵyndary men qonaqtaryna qyzyqty konserttik baǵdarlama usynyldy.
– Bizge Anton Vaızgeım men Ksenııa Veıdiń oryndaǵan ánderi erekshe áser etti, – dedi konserttik baǵdarlamany tamashalaýǵa kelgen Dúrııa Ahmerova. Talantty jastar bizdiń elimizdiń bolashaǵy.
Raýshan NUǴMANBEKOVA.
SEMEI.
