Qazaqstan • 20 Aqpan, 2020

Eńbekmıni men BǴM Ulttyq biliktilik júıesin engizý týraly ýaǵdalasty

25 retkórsetildi

Eńbek jáne halyqty áleýmettik qorǵaý mınıstri Birjan Nurymbetov pen Bilim jáne ǵylym mınıstri Ashat Aımaǵambetov «Eńbek resýrstaryn damytý ortalyǵy» AQ (budan ári – ERDO) bazasynda jańa kásiptik standarttar negizinde bilim berý baǵdarlamalaryn ázirleý máseleleri boıynsha keńeske qatysty, onyń qorytyndysy boıynsha Ulttyq biliktilik júıesin (budan ári – UBJ) engizý máselelerinde yntymaqtastyq týraly memorandýmǵa qol qoıdy. Bul týraly Eńbek jáne áleýmettik qorǵaý mınıstrliginiń baspasóz qyzmeti habarlady. 

Is-sharaǵa vedomstvolardyń vıse-mınıstrleri, ERDO prezıdenti Tamara Dúısenova, Jobalyq ofıstiń ókilderi jáne ERDO sarapshylary, sondaı-aq elordalyq JOO rektorlary men prorektorlary jáne kolledj dırektorlary qatysty.

Keńes jumysyn asha otyryp, Birjan Nurymbetov Eńbek jáne halyqty áleýmettik qorǵaý mınıstrligi (budan ári – Eńbekmıni) Úkimet janyndaǵy Biliktilik jónindegi ulttyq keńestiń jumys organy bolyp tabylatynyn jáne Qazaqstanda UBJ engizý máselelerine jaýap beretinin atap ótti. ERDO bazasynda jumysty ádisnamalyq súıemeldeý jáne úılestirý úshin 2019 jyly Jobalyq ofıs quryldy. Bizdiń ekonomıkamyzdyń basym sektorlarynda 480 kásiptik standart ázirleý boıynsha aýqymdy jumys júrgizildi.

«Búgingi tańda ózekti másele – bolashaq túlektiń eńbek naryǵynda suranysqa ıe bolýy. Bul jerde eńbek naryǵynyń qajettiligin eskere otyryp, ıaǵnı kásiptik standarttar negizinde kadrlar daıarlaý júıesin qurý basymdyqqa ıe bolyp otyr. Bizdiń Bilim mınıstrligimen ortaq mindetimiz – bilim berý júıesin jumys berýshilerdiń talaptaryna beıimdeý jáne kásiptik standarttar negizinde bilim berý baǵdarlamalaryn ázirleý boıynsha naqty is – qımyl algorıtmin iske asyrý», – dedi Birjan Nurymbetov.

Ol sondaı-aq mańyzdy másele qyzmetkerlerdiń biliktiligin sertıfıkattaý jáne rastaý bolyp tabylatynyn atap ótti.

«Búgingi tańda mamandardy sertıfıkattaý jumystary jergilikti jerde júrgizilýde. Sertıfıkattaý ortalyqtaryna jáne biliktilikti taný rásimderine qoıylatyn biryńǵaı talaptar, jalpy ádistemelik quraldar joq, bul Qazaqstanda biliktilikti tanýdy qıyndatady. Mınıstrlik sertıfıkattaýdyń jáne biliktilikti rastaýdyń biryńǵaı júıesine kóshýdi qamtamasyz etý boıynsha jumystardy bastady», – dedi Eńbekmıniniń basshysy.

Keńes barysynda kásiptik standarttar (budan ári – KS) negizinde bilim berý baǵdarlamalaryn (budan ári – BB) ózektendirý jáne ázirleý algorıtmderi talqylandy. «Elektronıkany tehnıkalyq súıemeldeý» KS úlgisimen «Almaty energetıka jáne baılanys ýnıversıteti» QEAQ rektory Sáýle Saǵyntaeva jańa BB sheńberinde ázirleý algorıtmin oqýdan ótken mamandar sáıkes kelýge tıis quzyretterdi egjeı-tegjeıli baıandap berdi.

Nur-Sultan qalasyndaǵy «Polıtehnıkalyq kolledj» MKQK dırektory Qasymhan Senǵazıev KS-ny BB ázirleý kezinde quzyretti tásildi júzege asyrý quraly retinde qoldaný týraly aıtyp berdi.

Keńeske qatysýshylardyń kásibı standarttaryn damytý perspektıvalary týraly ERDO Boljaý departamentiniń Mamandyq atlasyn súıemeldeý basqarmasynyń basshysy Olga Kıseleva aıtyp ótti.

«Biz bilim berý baǵdarlamalaryn jasaýda, mamandyq tańdaýda, personaldy basqarýdyń jańa negizderin engizýde kásibı standarttardy qoldaný múmkindigi týraly aıtyp otyrmyz. Kásibı standarttar negizinde biliktilikter banki qurylady, ol elektrondyq eńbek bırjasynda ornalastyrylady jáne kásipterdi tańdaýda jáne qajetti daǵdylardy tabýda ótinish berýshi men jumys berýshi arasynda tez ári tıimdi dıalog quralyna aınalady», – dedi sarapshy.

Is-shara sońynda Eńbek jáne halyqty áleýmettik qorǵaý mınıstri Birjan Nurymbetov pen Bilim jáne ǵylym mınıstri Ashat Aımaǵambetov vedomstvolardyń talqylanatyn baǵytta odan ári yntymaqtastyǵyn retteıtin memorandýmǵa qol qoıdy.

Qol qoıylǵan qujat sheńberinde Eńbekmıni men BǴM bekitilgen KS negizinde BB tizbesin jáne tıptik oqý josparlary men baǵdarlamalaryn birlesip qalyptastyrýdy kelisedi, BB ázirleýge tartylatyn bazalyq JOO-lardy anyqtaıdy, sondaı-aq BB ázirleý ádistemesi boıynsha oqytý júrgizedi.

BB ázirlegennen keıin taraptar olardy bilim berý uıymdarynyń júıesine birlesip engizedi, bekitilgen KS negizinde tehnıkalyq jáne kásiptik mamandyqtar úshin úlgilik oqý josparlary men baǵdarlamalaryn ózektendiredi jáne tehnıkalyq jáne kásiptik bilim berý uıymdaryna oqý josparlary men baǵdarlamalaryn engizýde kómek bolatyn oqytý semınaryn ótkizedi.

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar