Keńeske oblystar, respýblıkalyq mańyzy bar qalalar ákimderiniń orynbasarlary, Mınıstrliktiń jáne óńirlik jobalyq keńselerdiń ókilderi qatysty.
«Rýhanı jańǵyrý» baǵdarlamasyn iske asyrý jónindegi óńirlik josparlar, óńirlik saraptamalyq keńesterdiń qyzmeti, Qazaqstandyq qoǵamdyq damý ınstıtýtynyń ákimdiktermen jáne óńirlik jobalyq keńselermen ózara is-qımyl máseleleri, sondaı-aq 2019 jyly Baǵdarlamany iske asyrý qorytyndylary talqylandy.
Aqparat jáne qoǵamdyq damý vıse-mınıstri Ǵabıdolla Ospanqulov «Rýhanı jańǵyrý» baǵdarlamasyn iske asyrý jónindegi óńirlik josparlardy bekitý týraly máseleni kóterdi.
Sonymen qatar, keńes barysynda úkimettik emes uıymdar, jastar uıymdary jáne qoǵamdyq pikir kóshbasshylarynyń qatysýymen «Azamattyq alań» talqylaý klýbyn qurý máselesi talqylandy.
Atap ótý qajet, «Halyq únine qulaq asatyn memleket» tujyrymdamasyna kóshý jáne halyqpen tıimdi keri baılanysty qamtamasyz etý maqsatynda keńes onlaın rejımde kórsetildi. Translıasııa Mınıstrliktiń resmı saıtynda jáne áleýmettik jelilerde qoljetimdi boldy.
Esterińizge sala keteıik, 2020 jylǵy 5 aqpanda QR Memlekettik hatshysy Qyrymbek Kósherbaevtyń tóraǵalyǵymen Qoǵamdyq sanany jańǵyrtý jónindegi ulttyq komıssııanyń otyrysy ótti, otyrysta «Rýhanı jańǵyrý» baǵdarlamasyn iske asyrý jónindegi 2020 jylǵa arnalǵan is-sharalar jospary tanystyryldy.
