«Sizdi ǵasyrlyq belesińiz – 100 jasqa tolǵan torqaly toıyńyzben shyn júrekten quttyqtaımyn! Siz otandyq kógildir ekranda tuńǵysh ret qazaq tilinde efırge shyqqan Qazaq televızııasynyń qarlyǵashysyz. Kózi qaraqty kórermen 1958 jylǵy 8 naýryzda alǵash ret Sizdiń «Kesh jaryq» degen sózińiz arqyly ana tilimizdiń asqaq únin estidi. Tarıh betterinde qattalǵan sol kezeńnen beri uzaq jyldar Qazaq televızııasynda abyroımen qyzmet atqaryp, sońǵy jańalyqtar men kórkem shyǵarmalardy, el basshylyǵynyń úndeýlerin halyqqa úzdiksiz jetkizip otyrdyńyz. Ár jyldary shyǵarmashylyqpen aınalysyp, balalar ádebıetiniń altyn qoryn tolyqtyrýǵa úles qostyńyz. Mereıtoıyńyzben quttyqtaı otyryp, Sizge myqty densaýlyq, sarqylmas kúsh-qýat tileımin!», - delingen Memlekettik hatshynyń quttyqtaý hatynda.
Zulqııa Muqanqyzy 1920 jyldyń 20 aqpanynda Pavlodar oblysynyń Baıanaýyl aýdanynda dúnıege kelgen. Almaty telestýdııasy ashylǵan 1958 jyly dıktorlyqqa jarııalanǵan konkýrsqa qatysyp, 750 adamnyń arasynan úzdik shyǵady.
«Mádenıet mınıstrliginiń ókilderi bastaǵan komıssııa 20 kisiden turdy. Olar aqyldasyp bolǵan soń, «Siz biraýyzdan ótesiz» dedi. Artynan bilgenimdeı, baǵanadan beri menimen tildesken Sháken Aımanov eken. Qasyma kelip rızashylyǵyn bildirdi. Sol kezde 1 orynǵa 750 adam úmitker bolypty. Dál osylaısha, qazaq teledıdaryndaǵy tuńǵysh dıktor bolý baqyty meniń mańdaıyma buıyrdy»,- dep eske alady Z.Muqanova.
Sol jyly Máskeýde ótken Qazaq ádebıeti men óneriniń onkúndiginde telehabarlar men jańalyqtardyń júrgizýshisi retinde qatysyp, Iýrıı Levıtan, Nına Kondratova sııaqty búkil odaqqa tanymal dıktorlarmen qatar dıktorlyq ónerdiń qupııasymen tanysady. Zulqııa Jumatqyzy qara shańyraqta 1958 jyldan 1970 jylǵa deıin qyzmet etti.
«Qazaqstan» respýblıkalyq teleradıokorparasııasy Zulqııa Muqanqyzynyń qatysýymen Almaty stýdııasynda arnaıy habar túsiredi. «Bir ǵumyr – bir ǵasyr» jobasy «Qazaqstan» telearnasynyń efırinen 8 naýryz qarsańynda kórsetiledi.
