«Bolashaq» korporatıvtik qory «О́zińnen basta» jobasy aıasynda 2011 jyldan bastap Disney, Sony Pictures, Marvel, Lucas Films, Bazelevs jáne t.b. stýdııalardyń 33 kınokartınasyna dýblıaj jasaǵan. Joba «Meloman» kompanııasynyń qoldaýymen júzege asyrylatyn áleýmettik joba bolyp tabylady jáne kommersııalyq maqsattardy kózdemeıdi. Jobanyń jahandyq maqsaty – Qazaqstan azamattaryna álemdik stýdııalardyń kontentin ana tilderinde qol jetimdi etý. Bul – qazaq tilinde sapaly kontentti jasaý, qazaq tilinde sóıleıtin turǵyndardyń qazaq tilindegi sapaly kınoteatraldy kontentke qol jetkizý quqyǵyn qorǵaý, qazaq tilin álemdik keńistikte nasıhattaý týraly joba.
Prezentasııa kezinde bolashaq premeralardyń qazaq tilindegi treıleri kórsetildi. Dýblıaj akterleri, dybys rejısserleri, mátin úılestirýshiler óz isteriniń qyr-syrymen bólisti, al uıymdastyrýshylar men seriktester jobanyń erekshelikteri men ony júzege asyrýdyń nátıjeleri týraly sóz qozǵady. Is-sharaǵa jobanyń uıymdastyrýshylary, sonyń ishinde «Bolashaq» qorynyń Qamqorshylar keńesiniń tóraıymy Dınara Sháıjúnisova, «Aray Media Group» stýdııasy, «BI Group» kompanııasynyń ókilderi, sondaı-aq dýblıaj akterleri, dýblıaj mamandary, jobaǵa jankúıer jýrnalıster, blogerler, qoǵamdyq qaıratkerler qatysty.
- Súıikti keıipkerlermen qazaq tilinde qarym-qatynas jasaı otyryp, bizdiń balalar memlekettik tilde kóbirek sóıleýge umtylatyn bolady. Biz balalarǵa arnalǵan anımasııalyq fılmderdi qazaq tilinde kórsetýdi qoldaý maqsatynda kınoteatrlar úshin salyqtyq jeńildikter, mysaly, mundaı seanstardy kórermenderge yńǵaıly ýaqytta qoıýǵa yntalandyrar edi dep esepteımiz. «Mıras» respýblıkalyq qoǵamdyq keńesiniń alańynda «Nur Otan» partııasymen birlese otyryp, biz QR Úkimetine dybystalǵan kınony kórsetýdi qoldaý jáne azamattardyń kınoteatr kontentine qazaq tilinde teń jaǵdaıda qol jetkizý bóliginde usynystar engizdik. Biz osy máseleler boıynsha QR Premer - Mınıstriniń tapsyrmasy shyqqanyn bilemiz jáne jaqyn arada osy máseleler boıynsha QR Mádenıet jáne sport mınıstrligi atynan ýákiletti organnyń belsendi jáne sapaly qatysýyn kútemiz, – dep atap ótti «Bolashaq» qorynyń Qamqorshylar keńesiniń tóraıymy Dınara Sháıjúnisova.
Joba seriktester men demeýshiler qoldaýynyń arqasynda júzege asyrylady. Joba seriktesteri: «Meloman» kompanııasy, KINOPARK kınoteatrlar jelisi, ivi jáne Megogo onlaın kınoteatrlary. Qazirgi tańda ivi ınternet-kınoteatrynda Gollıvýd fılmderin qazaq tilinde kórýge bolady, jáne jaqynda olardyń qataryn osy jyldyń 7 premerasy tolyqtyrady. Ártúrli jyldary ERG Eýrazııalyq kompanııalar toby, «Altyn Qyran» kompanııalar toby, «Samruq-Qazyna» UÁQ» AQ, «DAMU Logistics» AQ, «Baıterek» UBH AQ, Kassa Nova Bank, «Damý» kásipkerlikti damytý qory» AQ, «Qazaqstan Qurylys jınaqtaý banki» AQ, «Ordabasy group» JShS jáne t.b. joba demeýshileri boldy. 2020 jyly fılmderdi dýblıajdaý demeýshisi «BI Group» kompanııasy boldy. Bul kompanııa buryn da birneshe fılmniń demeýshisi bolǵan.
- Qazaq tili – bizdiń baılyǵymyz, halyqtyń rýhy, tarıhı jáne mádenı qundylyq. BI Group holdıngi úsh jyldan beri «О́zińnen basta» jobasyn qoldap keledi. Osy ýaqyt ishinde quny 800 mıllıon teńgege jýyq 15 tanymal fılm aýdarylyp, dybystaldy. Qarjylaı kómek bere otyryp, biz tek ana tilimizdi damytýǵa qarajat jumsamaımyz. Belsendi áleýmettik-qaıyrymdylyq qyzmetpen aınalysa otyryp, bizdiń kompanııa qazaqstandyq balalar úshin sapaly sheteldik kınokontentpen tanysýǵa múmkindik beredi. Biz memlekettik tilge qamqorlyq jasaýdyń mańyzdylyǵyn túsinemiz: kóptegen jobalarymyzda qazaqsha ataýlar bar, jáne Abaı Qunanbaevtyń 175 jyldyǵyna oraı biz jańa «Asyl mura» turǵyn úı keshenin iske qostyq. Sondaı-aq holdıngtiń áleýmettik jelileri men qyzmetkerlerge arnalǵan portaly eki tildi de júrgiziledi, – dedi BI Development bas dırektorynyń qarjy jónindegi orynbasary Qaırat Shaıahmetov.
9 jyl ishinde «О́zińnen basta» jobasynyń aınalasynda álemdik kınony ana tilinde kórý óte mańyzdy adamdardyń qaýymdastyǵyn qalyptastyrdy. 9 500 000 jazylýshy aýdıtorııasy bar 100-den astam qazaqstandyq medıa-tulǵa bizdiń jobamyzdy qoldaıdy. 2018 jyly pikir kóshbasshylary onlaın-daýys berýdi uıymdastyryp, oǵan 35 000-ǵa jýyq azamat qatysty. Olardyń barlyǵy fılmderdi qazaq tilinde elimizdiń kınoteatrlarynda yńǵaıly ýaqytta kórý múmkindigine daýys berdi. Dýblıajdalǵan fılmderdi barlyǵy 170 000-nan astam kórermen qarady. Biz elorda men óńirlerde 100-den asa qaıyrymdylyq kınokórsetilim ótkizdik. «Muzdy ólke 2» fılmin (2019 j.) 26 900 adam qarap, joba tarıhynda kórermenderdiń rekordtyq sanyn jınady.
Qazaqstanda alǵash ret «Bolashaq» qory beıimdelgen kınokórsetilimder tájirıbesin engizdi. 2018 jyldan bastap biz jyl saıyn aýtızm jáne damýdyń basqa da erekshelikteri bar balalarǵa arnalǵan beıimdelgen kınokórsetilimder ótkizemiz.
