Byltyrǵy jyldyń sońynda federasııa músheleri aımaqtardaǵy velosportqa beıimdelgen mektepterdi aralady. Shyny kerek, kóbiniń jaı-kúıi jaǵdaıy kóńil kónshiterlik emes. Endi sol olqylyqtyń ornyn túzeý úshin biraz jumys isteý kerek. О́ıtkeni, bizdiń ortaq maqsatymyz – Olımpııa oıyndary men álemdik jáne qurlyqtyq dodalarda júlde alý. Al balalar men jasóspirimder sportyn damytpaı orasan zor nátıjege qol jetkizý múmkin emes. Sol sebepti de qazirgi kezde búkil respýblıka boıynsha velomektepterdi modernızasııalaý jumystary qyzý júrgizilýde, – deıdi Nurlan Smaǵulov.
Sonymen qatar federasııa prezıdenti aıtýly ortalyqta osy sportpen shuǵyldanyp júrgen jas órenderge 10 sý jańa velosıped syılady. Ústimizdegi jyldyń sońyna deıin respýblıka boıynsha 130 balalar jáne 50 kásibı velosıpedti syıǵa tartý kózdelip otyr.
