Arnaıy áleýmettik qyzmet kórsetetin 350 oryndyq №3 Ortalyqta qart adamdar, onyń ishinde qamqorlyqty qajet etetin múgedekter turady. Ákimniń eseptik kezdesýinde personaldyń jumysy men medısınalyq qyzmettiń sapasyn tekserý boıynsha shaǵym aıtylǵan edi.
Qala ákimi B.Saǵyntaevtyń tapsyrmasymen qurylǵan komıssııa ádil baǵa berý úshin shaǵymda aıtylǵan barlyq jaǵdaılardy jiti tekseretin bolady. Bul jumysty júrgizý qala ákiminiń orynbasary S.Tuıaqbaevqa tapsyryldy.
Aıtylǵan basqa da shaǵym boıynsha B.Saǵyntaev balalardyń qalalyq klınıkalyq ınfeksııalyq aýrýhanasynda boldy, munda ol kórsetiletin medısınalyq qyzmet túrlerin, qural-jabdyqtaryn kórip, medısına qyzmetkerleriniń biliktiligimen tanysty.
Balalardyń ınfeksııalyq aýrýhanasyna qala men Almaty oblysynyń eldi mekenderinen kún saıyn 300 bala jetkiziledi, olardyń 80-ge jýyǵyn stasıonarda em alý úshin qaldyrady.
«Osydan 40 jyl buryn 360 orynǵa eseptelip salynǵan qaladaǵy jalǵyz mamandandyrylǵan aýrýhananyń júktemesi arta túsýde. Sondyqtan onyń janynan 70 oryndy qosalqy nysan nemese zamanaýı 500 oryndy balalardyń ınfeksııalyq aýrýhanasyn salý máselesin qarastyryp otyrmyz», - dep jazady Almaty ákimi Baqytjan Saǵyntaev.
Sonymen qatar, ol aǵa urpaq ókilderi men balalardyń qamqorlyq pen jiti nazardy talap etetinin atap ótti.
ALMATY
