Qazaqstan Respýblıkasy Parlamenti Senatynyń depýtattary Ǵ. Dúısembaev, B. Elamanov, S. Eńsegenovtiń 2020 jylǵy 25 qańtardaǵy jún salasyn damytýǵa qatysty depýtattyq saýalyna jaýap berildi.
Premer-Mınıstr — Asqar Mamın
Sizderdiń jún salasyn damytýǵa qatysty saýaldaryńyzdy qarap, kelesini habarlaımyn.
2015-2019 jyldar kezeńinde jeńil ónerkásipte kásiporyndar sanynyń 845-ten 1071-ǵa deıin ósýi baıqalady, onyń negizgi úlesi (60%) tigin kásiporyndaryna, toqyma buıymdaryn óndirý boıynsha kásiporyndarǵa 30% jáne bylǵary men oǵan jatatyn ónimder óndirisine 10% tıesili. 5 jyl ishinde jeńil ónerkásip óndirisiniń kólemi 2015 jyly 71,6 mlrd. teńgeden 2019 jyly 112,7 mlrd. teńgege deıin ósti. 2019 jyly jeńil ónerkásip óndirisiniń kólemi 2018 jyldyń uqsas kezeńimen salystyrǵanda 13,5% ósti.
О́sim toqyma buıymdary óndirisinde 16,1% jáne kıim óndirisinde 8,2% boldy. Qazirgi ýaqytta jeńil ónerkásip kásiporyndaryn qoldaý ónim eksportyn ilgeriletý, eńbek ónimdiligin arttyrýdy yntalandyrý, taýarlardy ishki naryqta jyljytý jáne t. b. sııaqty óńdeýshi ónerkásipke baǵyttalǵan júıeli sharalar sheńberinde kórsetiledi.
