Qoǵam • 20 Aqpan, 2020

Nur-Sultan: Qutqarýshylar táýligine 100-den astam adamǵa kómek kórsetti

10 retkórsetildi

Elordalyq Tótenshe jaǵdaılar departamenti qyzmetkerleri bir táýlik ishinde borannan 107 adamdy qutqardy. Al qar keptelisterinen 17 birlik tehnıka shyǵaryldy. Bul týraly Nur-Sultan qalasy ákimdiginiń baspasóz qyzmeti habarlady. 

19 aqpannan bastap Nur-Sultan qalalyq Tótenshe jaǵdaılar departamentinde qalanyń azamattyq qorǵanys qyzmetteriniń qatysýymen jedel shtab jumys isteıdi. Búgingi kúni úsh jedel telefon jelisi (24-52-12, 24-51-47, 24-51-71) uıymdastyryldy. Olarǵa qazirgi ýaqytqa deıin 71 telefon qońyraýy kelip tústi.

Al «112» qyzmetiniń shuǵyl telefonyna 20 aqpanda 1 023 qońyraý kelip túsken. 20 aqpanda saǵat 10-00-degi jaǵdaı boıynsha qaladan barlyq baǵyttar boıynsha jol jabyldy. Qazirgi ýaqytta trassalarda 85 birlik avtokólikter jınalýda. Qala ishinde jáne trassalarda 24 baǵyt boıynsha Tótenshe jaǵdaılar departamenti men qalalyq Polısııa departamentiniń qyzmetkerleri avtomobıl kolonnalaryn jáne joldardy tazalaý boıynsha arnaıy tehnıkany súıemeldeý, sondaı-aq avarııalyq-qutqarý jáne kezek kúttirmeıtin jumystardy júrgizý boıynsha patrýldeý jumysyn uıymdastyrdy.

Qazirgi kezde «Nursultan Nazarbaev» halyqaralyq áýejaıy men temirjol qatynasy shtattyq rejımde jumys isteıdi. Bilim berý mekemelerinde sabaq toqtatylǵan joq. Elordalyq TJD turǵyndarǵa qaýipsizdik erejelerin saqtap, aýa raıynyń ózgerýi týraly aqparatty jáne engizilgen shekteýlerdi jiti qadaǵalaýdy suraıdy.

Aıta ketsek, búgin sınoptıkter málimeti boıynsha aýa raıy jaýyn-shashynsyz, túnde boran kútiledi. Al 21 aqpanda kóshpeli bult shyǵyp, túnde tuman bolady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar