Qazaqstan • 20 Aqpan, 2020

«Bolashaq» baǵdarlamasy boıynsha Qytaıda oqyp jatqan stýdentterdiń máselesi sheshildi

33 retkórsetildi

Qazaqstanda «Bolashaq» halyqaralyq baǵdarlamasy boıynsha stýdentterge oqý eliniń bekitilgen normatıvi boıynsha turýǵa jáne tamaqtanýǵa arnalǵan shyǵystardyń aı saıynǵy somasyn esepteýdi júrgizedi. Bul týraly Bilim jáne ǵylym mınıstrligi Halyqaralyq yntymaqtastyq departamentiniń dırektory Erkebulan Boranbaev málimdedi. 

BǴM ókili ótken aptada stýdentterge kómek kórsetý úshin tıisti buıryqqa ózgerister men tolyqtyrýlar engizý týraly sheshim qabyldanǵanyn atap ótti. Sheshim qabyldanǵannan keıin Erkebulan Boranbaev eldegi Qytaıda bilim alyp jatqan halyqaralyq «Bolashaq» baǵdarlamasynyń stıpendıattarymen kezdesýler ótkizip, erejelerdiń bilim alýshylardyń paıdasyna qaraı ózgergendigin túsindirdi.

«Shynymen de, qazir koronavırýs qaýpinen Qytaıdan Qazaqstanǵa kelgen jeti stýdent bar. Biz olarmen turaqty baılanystamyz, birneshe kezdesý ótkizdik jáne Mınıstrdiń 2012 jylǵy 13 sáýirdegi № 163 buıryǵyna ózgerister men tolyqtyrýlar engiziletindigin  túsindirdik. JOO-dan oqý prosesin bastaý nemese jalǵastyrý týraly resmı habarlama alǵannan keıin oqý eline qaıtatyn avıabıletterdi satyp alý josparlanýda. Fors-majorlyq jaǵdaılar týyndaǵan jaǵdaıda stıpendııa tolyq kólemde tólenedi degen sheshim bir apta buryn qabyldandy», - dedi Erkebulan Boranbaev.

Dúleı apattar, áskerı áreketter, shektemeler, epıdemııa jáne basqa da tótenshe jaǵdaılar eńserilmeıtin kúsh jaǵdaılary bolyp tabylatyndyǵyn aıta ketken jón.

Sońǵy jańalyqtar

Sımptomsyz sybaılastyq

Qoǵam • Keshe

Uqsas jańalyqtar