Mundaı qoǵamdyq mańyzǵa ıe zań jobalaryn depýtattar túrli alańdarda qoǵam ókilderimen talqylaýy Májiliste qalyptasqan tájirıbege aınaldy.
Is-sharaǵa depýtattarmen qatar Úkimet músheleri, «Atameken» UKP, «QazaqTýrızm» ulttyq kompanııasy, týrıstik qaýymdastyqtardyń basshylary, elimizdiń ár aımaǵynan kelgen týrıstik fırmalar men kompanııalardyń dırektorlary, týrıstik bıznes jáne azamattyq qoǵam ókilderi men sarapshylar qatysty.
Májilis Tóraǵasy N.Nyǵmatýlın búginde týrızm ındýstrııasy álemdik ekonomıkanyń eń joǵary tıimdi jáne qarqyndy damyp kele jatqan salalarynyń biri, eldegi týrızm, ásirese etnografııalyq jáne ekologııalyq salany damytýǵa áleýetti ekenine toqtaldy.
Sonymen qatar N.Nyǵmatýlın bul týraly Memleket basshysy Qasym-Jomart Toqaev Ulytaýdaǵy halyqaralyq týrıstik forýmda aıtqanyn eske saldy. Sondaı-aq Májilis Tóraǵasy tabıǵı resýrstardyń úlken qory bar elderde týrızm salasy sanaly jáne maqsatty túrde damyp kele jatqanyn atap ótti. Olar: Qatar, Bahreın, BAÁ.
Palata Tóraǵasy ekonomısterge, qarjygerlerge jáne tıisti memlekettik organ basshylaryna týrızmdi aldymen ekonomıkalyq ósýdiń draıveri retinde qaraý kerek ekenin atap ótti.
Talqylanyp jatqan zań jobasynda, Májilis Tóraǵasynyń pikirinshe, bul salany damytý jóninde naqty usynystar joq. Sol sebepten, biz osy saladaǵy eń jaqsy álemdik tájirıbeni qoldanýymyz kerek. Sonyń nátıjesinde kóptegen el ózderiniń baılyǵynyń edáýir bóligin týrızmnen túsetin tabysqa salǵan. Bular AQSh, Ispanııa, Fransııa, Italııa, Qytaı sııaqty týrıstik naryqtyń kóshbasshylary ǵana emes, sonymen qatar bizdiń kórshilerimiz – Ázerbaıjan men О́zbekstan da bar.
– Bul elderde memleket qabyldaǵan zańnamalyq, uıymdastyrýshylyq, ekonomıkalyq jáne basqa sharalardyń nátıjesinde týrızm ulttyq ekonomıkanyń qarqyndy damyp kele jatqan baǵyttarynyń birine aınaldy, – dedi N.Nyǵmatýlın.
Kezdesýde qaralǵan týrıstik zańnamada týrıstik qyzmetti syrtqy jáne ishki týrızm dep bólý usynyldy.
Bul jaǵdaıda tek shyǵý týrızmin lısenzııalaýǵa nıetti. Al ishki týrızmniń qyzmeti habarlama túrinde júzege asyrylady.
Osy taqyryp boıynsha pikirler san túrli. Qujat boıynsha jumys toby olardyń usynystaryn eskere otyryp, zań jobasyna sheshim engizý úshin árqaısysyna taldaý jasalmaq. Sondaı-aq zań jobasy salalyq týrızmniń 15 túrin ereksheleıdi.
Alaıda týrıstik kompanııanyń salalyq týrızmniń belgili bir túriniń sýbektisimen ózara árekettesý mehanızmi tirkelmegen. Zańnamalyq qujatty ázirleýshi túsindirgendeı, bul mınıstrlikterdiń birlesken buıryqtarymen rettelip, olardyń túıisken jerinde týrızmniń belgili bir túri bolady.
Alaıda Májilis Tóraǵasynyń pikirinshe, bul týraly naqty zańnamalyq normada aıtylýy kerek.
Is-shara barysynda salany memlekettik qoldaý máselesine de erekshe nazar aýdaryldy.
N.Nyǵmatýlın Ulttyq ekonomıka, Qarjy, Indýstrııa jáne ınfraqurylymdy damytý mınıstrlikteriniń basshylaryna týrızmdi ilgeriletýdiń ekonomıkalyq saıasatyna, kásipkerlik sýbektilerine salyqtyq jáne kedendik jeńildikter berý, áýe jáne jerústi kóliginiń qoljetimdiligin qamtamasyz etý, joldar men jol boıyndaǵy ınfraqurylymdy damytý týraly naqty máselelerdi kóterdi.
Májilis Spıkeriniń aıtýynsha, másele Ulttyq ekonomıka mınıstrligi zań jobasynyń ekonomıkalyq ıdeologııasyn negizge almaǵan.
N.Nyǵmatýlın Qarjy mınıstriniń birinshi vıse-mınıstrine ınvestısııasyz túsimderdiń joqtyǵyn túsingenin jáne bunyń jalpyǵa birdeı tanylǵan ekonomıkalyq qaǵıdat ekenin nazaryna saldy.
Ulttyq ekonomıka mınıstri Rýslan Dálenov mınıstrlik zań jobasyna eldegi týrızmniń damýyn qoldaý boıynsha usynystar paketin engizýge daıyn ekenin jetkizdi.
Sonymen birge týrızmdi damytý boıynsha barlyq memlekettik organdardyń jumysyn úılestirý máseleleri kóterildi.
Talqylaýdy qorytyndylaı kele, Májilis Tóraǵasy zań jobasynyń keıbir erejeleriniń taǵy da pysyqtalýy kerektigin atap ótti.
– Barlyq usynys-pikirler aýqymdy deńgeıde muqııat taldanyp, talqylanady. Sonyń nátıjesinde Qazaqstanda týrızmniń damýyn, týrıstik ındýstrııany memlekettik qoldaýdy qamtamasyz etetin jáne týrıstik ınfraqurylymdy keńeıtetin sapaly, jan-jaqty ázirlengen jáne eń bastysy tıimdi zań qabyldaıtyn bolamyz, – dep qorytyndylady N.Nyǵmatýlın.
