Iá, bıyl óńirde qar jyldaǵydan qalyń. 19 aqpan kúni túnimen tópelete jaýǵan qar 20 aqpan kúni tańerteń, tańerteń ǵana emes, kúni boıy qalalyqtardy ábden ábigerge saldy.
Keshe shaharda bir emes, úsh tramvaı joldan shyǵyp ketti. Sonymen qatar avtobýstar da qarǵa batyp, jolaýshylardyń ózderi qoǵamdyq kólikti ıterýge májbúr boldy.
Al búgin О́skemendegi úsh baǵytta júretin tramvaıdyń biri (úshinshi baǵyt) sońǵy aıaldamaǵa deıin (Zashıta yqsham aýdany) bara almaıtyny habarlandy. «Keshe túnde bizdiń tramvaı-qar tazalaýshy tehnıkamyz tań atqansha qalyń qarmen alysty. Birinshi jáne tórtinshi baǵyttaǵy vagondarymyz sońǵy aıaldamaǵa deıin jete almaı qarǵa batyp, turyp qaldy. Al úshinshi baǵyttaǵy vagon kúni boıy júrgen joq. 21 aqpanda bir jáne tórtinshi baǵyttaǵy tramvaılardy jolǵa shyǵardyq. Úshinshi baǵyt búgin tek «Mashzaýyt» aýdanyna deıin júredi» delingen «О́skemen kólik kompanııasy» JShS taratqan habarlamada.
О́SKEMEN
