Negizi bul jarys Qytaıdyń Ýsı qalasynda ótýge tıis edi. Alaıda Aspanasty elinde koronavırýs dertiniń dendeýine baılanysty Halyqaralyq taekvondo federasııasy aıtýly dodany Iordanııada uıymdastrý jóninde sheshim qabylady. Endi lısenzııalyq týrnır sol elde 10-12 sáýir aralyǵynda ótedi.
Esterińizge sala keteıik, Olımpııa oıyndarynda taekvondodan segiz júlde jıyntyǵy (4 erler+4 áıelder) sarapqa salynady. Osydan tórt jyl buryn Rıo-de-Janeıroda ótken Olımpıadanyń jalpy komandalyq esebinde Ońtústik Koreıa top jarǵan bolatyn. Olar 2 altyn jáne 4 qola medaldi oljalady. Ekinshi oryndaǵy Qytaıdyń qorjynynda qos bas júlde bar. Úshinshi satyǵa Ulybrıtanııa taban tiredi. Tumandy Albıon eliniń ókilderi túrli-tústi júldeniń árqaısysynan bir-birden ıelendi. Brazılııadaǵy básekeden Qazaqstan quramasynyń qorjyny bos qaıtqan edi.
