Qazaqstan • 21 Aqpan, 2020

Úndistanda ál-Farabıdiń 1150 jyldyǵyna arnalǵan is-sharalar bastaý aldy

28 retkórsetildi

Úndistanda ál-Farabıdiń 1150 jyldyǵyna arnalǵan is-sharalar bastaý aldy. Ál-Farabı atyndaǵy QazUÝ Úndistandaǵy Qazaqstan Respýblıkasynyń Elshiligi men Djavaharlal Nerý atyndaǵy ýnıversıtettiń qoldaýymen Nıý-Delı qalasynda Ábý Nasyr ál-Farabıdiń 1150-jyldyq mereıtoıyna arnalǵan dóńgelek ústel ótkizdi.

Almaty qalasy «Rýhanı jańǵyrý» ofısiniń málimetine súıensek, is sharaǵa Qazaqstannyń Úndistandaǵy Elshisi Erlan Álimbaev, QazUÝ jáne Delı ýnıversıtetteriniń ǵalymdary, Ortalyq Azııa elderiniń dıplomatııalyq mıssııalary men ǵylymı qaýymdastyq ókilderi qatysty.

Kezdesýdi ashqan Qazaqstannyń Úndistandaǵy Elshisi Erlan Álimbaev ál-Farabıdiń mereıtoıy IýNESKO-nyń ataýly kúnderi men oqıǵalar kúntizbesine engizilgenin jáne ony merekeleý adamzattyń «ekinshi ustazynyń» dúnıejúzilik murasyn zertteýge jáne zerdeleýge qýatty serpin beretinin atap ótti. Búginde Uly dala oıshylynyń esimi ár eldiń, sonyń ishinde Úndistannyń ǵalymdaryn da asa qyzyqtyrýda. Mundaı is-sharalardy joǵary halyqaralyq deńgeıde ótkizý ál-Farabıdiń shyǵarmashylyq murasy men qazaq tarıhyn dáripteýge yqpal etedi.

Dóńgelek ústel barysynda QazUÝ delegasııasy ál-Farabıdiń ómiri men eńbekteri, onyń qazirgi kezdegi murasynyń mańyzdylyǵy týraly ǵylymı baıandamalar men prezentasııalar jasady. Sonymen qatar oıshyldyń ıdeıalary negizinde ázirlengen «Ýnıversıtet 4.0» jańa býyn ýnıversıtetiniń rýhanı-adamgershilik jáne ǵylymı-tehnologııalyq platformasyn qamtıtyn modeli usynyldy.

Is-sharada sóz alǵan Úndistannyń akademııalyq toptarynyń ókilderi, ǵylymı ortalyqtar men ınstıtýttardyń basshylary Ábý Nasyr ál-Farabı murasynyń mańyzdylyǵyna erekshe toqtalyp, osyndaı ataýly sharalardyń eki dostas elderdiń mádenıetin jaqyndastyrýdaǵy mańyzdylyǵyn atap ótti.

Úndistanǵa sapar barysynda qazaqstandyq jetekshi joǵary oqý ornynyń delegasııasy Amıtı ýnıversıtetinde (Noıda q.) 100-den astam el ókilderiniń basyn qosqan «INBUSH ERA-2020» búkilálemdik sammıtiniń jumysyna qatysty. Sammıt aıasynda yntymaqtastyq týraly memorandýmǵa qol qoıylyp, Amıtı ýnıversıtetinde ál-Farabı ortalyǵyn jáne atalmysh úndi joǵary oqý ornynyń QazUÝ-da ókildigin qurý týraly kelisimge qol qoıyldy.

                                                                                                      

ALMATY

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar