Qoǵam • 21 Aqpan, 2020

Senat depýtattary Ákimshilik rásimdik-prosestik kodeksiniń jobasyn talqylady

12 retkórsetildi

Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń músheleri elimizdiń Joǵarǵy Sotynda bolyp, sot júıesiniń jumysymen tanysty. Senat depýtattary Joǵarǵy Sottaǵy sýdıalar alqasynyń músheleri jáne Ádilet mınıstrliginiń ókilderimen birge Qazaqstan Respýblıkasynyń Ákimshilik rásimdik-prosestik kodeksiniń jáne oǵan ilespe zań jobasyn talqylaýǵa qatysty.

Aldymen senatorlar Joǵarǵy Sot janynan qurylǵan ahýal ortalyǵynyń jumysymen tanysty. Mamandardyń aıtýynsha, atalǵan ortalyq sot tóreligin júzege asyrý barysyndaǵy azamattardyń quqyqtary men zańdy múddelerin qorǵaýdyń jańa deńgeıi bolyp tabylady. Ol taraptardyń biri qandaı da bir kemshilikti aıtyp, sotqa júgingenge deıin anyqtap, joıýǵa múmkindik beredi.

Joǵarǵy Sottyń Tóraǵasy Jaqyp Asanov elimizdiń sot júıesinde atqarylǵan jumystar týraly habardar etip, saladaǵy birqatar máselelerge toqtaldy. 2018-2019 jyldary Joǵarǵy Sotta 17 zań jobasy ázirlenip, onyń 9-y Parlamentte qabyldanǵan bolatyn. Qazirgi kezde Parlament qaraýynda  4 zań jobasy, memlekettik quzyrly organdardyń qaraýynda 4 zań jobasy bar.

«Búginde elimizde 2413 sot tóreshisi bar. Qazaqstanda kún saıyn 13500 sot aktisi shyǵady. Sot tóreshilerine qatysty negizgi problemalardyń qataryna jalaqynyń azdyǵy men jumys aýqymynyń kóptigi de bar», - dedi J.Asanov.

Joǵarǵy Sot basshysynyń aıtýynsha, zań salasy mamandyǵyn bitirgen túlekterdiń 16 paıyzy ǵana sot tóreshisi bolady.

Ákimshilik rásimdik-prosestik kodeksi biryńǵaı zańnamalyq aktide jarııa quqyqtyq qatynastar salasynda ákimshilik rásimderdi júzege asyrýdyń jáne sot isin júrgizýdiń quqyqtyq negizderin, qaǵıdattary men erejelerin kózdeıdi.

Komıtet tóraǵasy Vladımır Volkov kezdesýdi qorytyndylaı kelip, Joǵarǵy Sot qyzmetin odan ári jetildirýde sapaǵa basa nazar aýdarý qajettigin atap ótti. Bul baǵyttaǵy birlesken jumystardyń jalǵasa beretini aıtyldy. «Biz sizdermen bir baǵytta jumys isteımiz. Búgin bárimiz úshin mańyzdy zańnamalardyń biri – Ákimshilik rásimdik-prosestik kodekstiń jáne ilespe zań jobasynyń talqylanýyna kýá boldyq. Ahýal ortalyǵynyń da jumysy kóńilge qonymdy. Sottyń ádilettiligi jumysynyń sapasymen ólshenedi», - dedi V.Volkov.

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Uqsas jańalyqtar