Saıasat • 21 Aqpan, 2020

Qazaqstanda júrgizilip jatqan reformalarǵa EQYU qoldaý bildirdi

19 retkórsetildi

Parlament Senaty Tóraǵasynyń orynbasary A.Shákirov bastaǵan Qazaqstan Respýblıkasy Parlamentiniń delegasııasy Eýropadaǵy qaýipsizdik jáne yntymaqtastyq uıymy Parlamenttik Assambleıasynyń Venada ótip jatqan 19-shy sessııasyna qatysýda. Delegasııa quramynda Senat depýtattary M.Bortnık, T.Muqashev jáne Májilis depýtattary S.Abdrahmanov pen J.Ahmetbekov bar. Bul týraly Parlament Senatynyń baspasóz qyzmeti habarlady.

A.Shákirov jalpy komıtetterdiń birlesken otyrysynda Qazaqstanda júrgizilip jatqan saıası jáne demokratııalyq ózgerister týraly Assambleıa múshelerin habardar etti.

Atap aıtqanda, «qulaq asatyn memleket» tujyrymdamasynyń aıasynda júzege asatyn kóp partııalyqty damytý, parlamenttik oppozısııa quqyqtaryn nyǵaıtý, áıelder men jastardy zań shyǵarý salasyna tartý, quqyq qorǵaý júıesi men beıbit jınalystar týraly zańnamany jetildirý jónindegi sharalar atap ótildi.

Otyrys qorytyndysyn shyǵarý kezinde Parlamenttik Assambleıanyń Tóraǵasy Georgıı Seretelı Qazaqstanda júrgizilip jatqan reformalardy jáne Qazaqstan Respýblıkasynyń Prezıdenti Qasym-Jomart Toqaevtyń osy úderiske tikeleı qatysyp kele jatqanyn joǵary baǵalady.

EQYU PA qyzmetine qosqan eleýli úlesine nazar aýdara otyryp G.Seretelı Memleket basshysyn uıymnyń aldaǵy sharalaryna, atap aıtqanda, bıylǵy shilde aıynda Vankýverde ótetin Assambleıanyń jyl saıynǵy sessııasyna qurmetti qonaq retinde shaqyrdy.

Sessııa aıasynda Qazaqstan Parlamenti Senaty Tóraǵasynyń orynbasary EQYU Parlamenttik Assambleıasynyń basshylyǵymen jáne Aýstrııa Parlamenti Ulttyq Keńesiniń Tóraǵasy Volfgang Sobotkamen birqatar kezdesýler ótkizdi.

Parlament depýtattary Saıası máseleler jáne qaýipsizdik, Ekonomıkalyq máseleler, ǵylym, tehnologııalar jáne qorshaǵan orta, Demokratııa, adam quqyqtary jáne gýmanıtarlyq máseleler jónindegi jalpy komıtetterdiń pikirsaıystaryna qatysty. Kemsitýshilik pen tózbeýshilikke qarsy kúres, uzaqqa sozylǵan janjaldardy sheshý, klımat ózgeristeriniń sebep-saldary jáne taǵy basqalar kún tártibindegi negizgi máseleler bolyp tabylady.

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Uqsas jańalyqtar