Qoǵam • 21 Aqpan, 2020

N. Muqyshev áleýmettik-eńbek salasyn sıfrlandyrýdyń 2019 jylǵy nátıjelerin qorytyndylady

12 retkórsetildi

Ortalyq kommýnıkasııalar qyzmetinde ótken brıfıngte Eńbek jáne halyqty áleýmettik qorǵaý vıse-mınıstri Narıman Muqyshev Eńbek jáne halyqty áleýmettik qorǵaý mınıstrliginiń 2019 jyly áleýmettik-eńbek salasyn sıfrlandyrý boıynsha jumysynyń qorytyndylaryn jarııalady. Bul týraly atalǵan mınıstrliktiń baspasóz qyzmeti habarlady.

N. Muqyshev «Azamattyń áleýmettik ID kartasy», «Elektrondyq eńbek sharttaryn esepke alýdyń biryńǵaı júıesi» sııaqty jobalardyń jumys nátıjelerine nazar aýdaryp, sondaı-aq áleýmettik-eńbek salasyndaǵy memlekettik qyzmetterdi elektrondyq jáne proaktıvti formatqa kóshirý týraly jan-jaqty aıtyp berdi.

«Qazaqstan azamatynyń áleýmettik ID kartasy» - bul járdemaqylar men tólemder túsetin plastıkalyq karta. Kartanyń kómegimen qyzmetterge aqy tóleýge bolady. Bul rette, eger kartanyń ıesi jeńildik sanatyna jatatyn bolsa, aqsha esepten shyǵarylmaıdy, biraq tólem týraly habarlama kórsetiledi. Áleýmettik ID karta AÁK tólemin, qoǵamdyq kólikte jol júrý aqysyn tóleýdi, mektepterde kópbalaly jáne tabysy az otbasylardyń balalaryna aqysyz tamaqtanýdy kózdeıdi.

Ony pılottyq iske asyrý Aqtóbe ákimdigimen birlesip 2019 jylǵy shildede bastaldy, operatory «Qazposhta» AQ.

«Kartanyń aqtóbelikter úshin tıimdi ekenin kórgende, biz jobany birtindep keńinen qoldaný týraly sheshim qabyldadyq. Osylaısha, áleýmettik ID karta qazirgi kezde Nur-Sultan qalasynda, Atyraý, Qaraǵandy, Qyzylorda, Pavlodar jáne Mańǵystaý oblystarynda sátti engizilýde. 45 myńǵa jýyq karta shyǵarylyp, 31 myń tranzaksııa júzege asyryldy. Bıyl áleýmettik kartalardy búkil el boıynsha engizýdi josparlap otyrmyz», - dedi Narıman Muqyshev.

Vıse-mınıstrdiń aıtýynsha, eńbek salasyn sıfrlandyrý sheńberinde «Elektrondyq eńbek sharttaryn esepke alýdyń biryńǵaı júıesi» jobasy júzege asyrylýda. Bul jeke kýálik boıynsha jumysqa ornalasýǵa múmkindik beredi. Buryn bul úshin jumys berýshiniń talaby birneshe qujat jınaý kerek bolatyn. Bul ýaqyt pen aqshany ysyrap etýshilik. Sonymen birge joba jumys berýshilerdiń sharttardy basyp shyǵarý jáne saqtaý shyǵyndaryn, osy prosesti júrgizýge shtatta birneshe adamnyń bolýy sııaqty shyǵyndardy azaıtady.

«Elektrondyq eńbek sharttaryn esepke alýdyń biryńǵaı júıesi» jobasyna 26 myń uıym qosylǵan. Búgingi tańda 1,1 mıllıonnan astam elektrondyq sharttar tirkelgen. Bul jumysshylardyń eńbek quqyqtaryn qorǵaýǵa múmkindik beredi, jumysqa qabyldaý prosesin jeńildetedi, qujattardyń jalǵan bolý qaterin azaıtady. Bıyl Eńbek kodeksine túzetýler qabyldanyp, sharttardy júıede júrgizý mindetti bolady dep senemiz. Budan basqa, biz qyzmetkerdiń jeke isin avtomatty túrde qalyptastyrý úshin jumys istep jatyrmyz», - dedi ol.

Mınıstrliktiń memlekettik qyzmetterin sıfrlaý boıynsha úlken jumystar atqarylýda. 2019 jyly QR Eńbekmıni qyzmetiniń 80%-y elektrondyq formatqa aýystyryldy. Búgingi kúni áleýmettik-eńbek salasyndaǵy 40 memlekettik qyzmettiń 18-i elektrondyq, 14-i proaktıvti, ıaǵnı SMS arqyly jáne 10-y kompozıtten kórsetiledi. 2020 jyldyń sońyna deıin mınıstrliktiń elektrondyq formatta qoljetimdi qyzmetteriniń úlesin 90% - ǵa deıin arttyrý josparlanýda.

«Bizdiń mindetimiz – jyl sońyna deıin azamattar bizdiń qyzmetterimizdiń 70% -yn elektrondyq formatta alýyn qamtamasyz etý. Bul negizinen túsindirme. Búgingi kúni kóptegen azamattar proaktıvti qyzmetti usyný týraly SMS-habarlama alǵan bolsa da, oǵan jaýap bermeıdi jáne HQKO-ǵa barady. Sıfrlandyrý ózara prosess ekenin basa aıtqym keledi. Qyzmetti elektrondyq nemese proaktıvti túrde qoljetimdi etý jetkiliksiz, ony azamattar paıdalanýǵa tıis. Sondyqtan men barlyǵyn qyzmet alýdaǵy ınnovasııalyq ádisterdi belsendi qoldanýǵa shaqyramyn», - dep túıindedi vıse-mınıstr.

Eske salaıyq, Eńbekmıni sıfrlyq jobalardy iske asyrý jáne memlekettik qyzmetterdi elektrondyq jáne proaktıvti formatqa kóshirý arqyly respýblıkalyq bıýdjette 3,03 mlrd teńge únemdedi. Osy somany esepteý kezinde «Elektrondyq eńbek bırjasy»  jáne «Eńbek sharttaryn esepke alýdyń biryńǵaı júıesi» sııaqty jobalar, sondaı-aq elektrondyq formatqa kóshirilgen memlekettik qyzmetter eskerildi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar