Osyǵan oraı shaharda demalys kúnderi jańa jármeńkeler ashylady. Olar qalanyń 8 aýdanynda senbi jáne jeksenbi kúnderi saǵat 9.00-den 18.00-ge deıin jumys isteıdi.
2019 jyly Almatyda «demalys kúniniń» 4 jármeńkesi jumys istegen bolsa, bıyldan bastap taǵy jańa 6 saýda núktesi ashylǵan bolatyn.
Jármeńkelerden fermerlik sharýashylyqtardyń jergilikti ónimderin alýǵa bolady. Jármeńke baǵasyn áleýmettik baǵa boıynsha taýarlarmen qamtamasyz etetin iri qara mal ósirýmen aınalysatyn sharýa qojalyqtarynyń, qosalqy sharýashylyqtardyń ókilderi jáne Turaqtandyrý qory atynan memleket qoıady.
Jármeńkelerde áleýmettik baǵa boıynsha áleýmettik mańyzy bar azyq-túlik ónimderiniń 19 túri usynylady, olar:
Sıyr etiniń jaýyryn-keýde bóligi - 1900 teńge.
Taýyq eti - 810 teńge
Kartop - 104 teńge
Sábiz - 94 teńge
Qyryqqabat - 94 teńge
Jumyrtqa, 1 kategorııa - 300 teńge
О́simdik maıy - 400 teńge
«Almaty» ÁKK saýda oryndaryn jeńildikpen jalǵa berip, aýylsharýashylyq ónimderin jetkizýshilermen tikeleı jumys jasaıdy. Jalǵa berýdiń saralanǵan baǵasy bir orynǵa 16 700 teńge.
Qala ákimdigi men «Almaty» ÁKK ókilderi demalys kúnderdegi jármeńkelerdi turaqty aralap, áleýmettik mańyzy bar azyq-túlik ónimderiniń baǵasyn jiti baqylaýda ustap baǵanyń ósýine jol bermeıtindikterin málimdedi.
Jármeńkelerdiń mekenjaılary:
Gogol -Masanchı (Almaly aýdany)
Abaı - О́tegen batyr (Áýezov aýdany)
Qazaqfılm yqsham aýdany, Jarokov kóshesi, ál-Farabı dańǵylynan joǵary (Bostandyq aýdany)
Qulager yqsham aýdany, Serikov kóshesi (Jetisý aýdany)
Jańa jármeńkeler:
Nurkent-5 yqsham aýdany, «Atletter aýyly», ortalyq alleıada (Alataý aýdany)
Qalqaman yqsham aýdany, Áýezov kóshesi, №1 qalalyq klınıkalyq aýrýhananyń kireberisine qarsy (Naýryzbaı aýdany)
Saıyn - Shalıapın (Áýezov aýdany)
Juldyz yqsham aýdany (Túrksib aýdany)
Meńdiqulov - Bekturov (Medeý aýdany)
Saıaly, 28-úıdiń jany (Alataý aýdany)
