Úkimet • 21 Aqpan, 2020

Investısııalyq ahýaldy jaqsartý jónindegi keńes salyq saıasaty máselelerin qarady

13 retkórsetildi

Premer-Mınıstr Asqar Mamınniń tóraǵalymen ótken Investısııalyq ahýaldy jaqsartý jónindegi keńes (IAJK) otyrysynda salyq saıasaty máseleleri jáne onyń Qazaqstandaǵy ınvestısııalyq ahýalǵa yqpaly qaraldy. Bul týraly Premer-Mınıstrdiń baspasóz qyzmeti habarlady.

Salyq salýdyń sheteldik tájirıbesi men onyń qolaıly iskerlik ahýaldy qalyptastyrýdaǵy jáne ekonomıkalyq básekelestikti damytýdaǵy róli, sondaı-aq Qazaqstanda salyqtyq ákimshilendirý men fıskaldy saıasattyń ilgerlemeli ádisterin iske asyrý boıynsha usynystar týraly Qazaqstanda akkredıttelgen Ulybrıtanııa elshisi M. Gıfford, Kanada elshisi N. Brýsso, Eýropalyq odaq elshisi Sven-Olov Karlsson, AQSh elshiliginiń isterindegi ýaqytsha senimdi ókil T. Lıýng, sondaı-aq ınvestısııalyq qaýymdastyqtyń –  EY, Deloitte, PwC, Heidelberg Cement kompanııalarynyń ókilderi baıandady.

Qazaqstanda júrgizilip jatqan salyqtyq ákimshilendirý reformasy týraly QR ulttyq ekonomıka mınıstri R. Dálenov, qarjy birinshi vıse-mınıstri B. Sholpanqulov sóıledi.

«2019 jyldyń qorytyndysy boıynsha Qazaqstannyń JIО́ 4,5%-ǵa ósti. О́sim negizinen shıkizattyq emes salalar – qurylys (12,9%), saýda (7,6%), kólik  (5,1%), óńdeý ónerkásibi (4,4%) esebinen qamtamasyz etildi. Elge tartylǵan tikeleı sheteldik ınvestısııalar kólemi $25 mlrd deıin ulǵaıdy. Halyqtyń naqty tabysy  5,5%-ǵa artty, ınflıasııa josparly dálizde saqtalyp, 5,4% qurady. Álemdik ekonomıkanyń kezeńdik báseńdeýi men Qytaıdaǵy ahýalǵa baılanysty táýekelder jaǵdaıynda belgilengen damý trendin saqtaý men nyǵaıtý bizdiń basymdyǵymyz bolyp qala beredi», — dedi A. Mamın.   

Premer-Mınıstr ekonomıkalyq ósimdi qamtamasyz etýdegi, iskerlik ahýaldy jaqsartýdaǵy, halyqtyń jumyspen qamtylýyn arttyrýdaǵy jáne ınvestısııa tartýdaǵy tıimdiligin arttyrý maqsatynda QR-da júrgizilip jatqan salyq júıesiniń reformasy týraly aıtyp berdi.

«Biz Qazaqstannyń halyqaralyq pozısııasyn naqty ári aıqyn salyq júıesi bar, senimdi jáne boljamdy ınvestısııalyq baǵyt retinde odan ári nyǵaıtý týraly usynystardyń tıimdi oryndalýyn qamtamasyz etemiz», — dep túıindedi A. Mamın.

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar