Parlament • 21 Aqpan, 2020

Densaýlyq saqtaý kodeksi jobasyndaǵy máseleler oń sheshimin tapty

15 retkórsetildi

Búgin Májiliste Palata Spıkeri Nurlan Nyǵmatýlın «Nur Otan» partııasy fraksııasynyń keńeıtilgen otyrysyn ótkizdi. Depýtattar halyq densaýlyǵy týraly kodekspen jumys isteý barysynda azamattyq qoǵamnyń pikirlerin eskerdi. Bul týraly Parlament Májilisiniń baspasóz qyzmeti habarlady.

Qazirgi ýaqytta Májilis «Halyq densaýlyǵy jáne densaýlyq saqtaý júıesi týraly» Kodeks jobasyn birinshi oqylymda qaraýǵa daıyndyq ústinde. «Nur Otan» partııasy fraksııasynyń depýtattary zań jobasynyń eń rezonanstyq normalaryn memlekettik organdardyń basshylarymen, belgili qoǵam qaıratkerlerimen, medısınalyq qoǵamdastyq pen azamattyq qoǵam ókilderiniń qatysýymen fraksııanyń keńeıtilgen otyrysynda talqylady.

Fraksııanyń keńeıtilgen otyrysyn ashqan Májilis Tóraǵasy Nurlan Nyǵmatýlın: - Biz densaýlyq máselesin fraksııa otyrysynda talqylaý týraly arnaıy sheshim qabyldaǵan bolatynbyz. О́zderińiz bilesizder bul másele búginde búkil halyqtyń nazarynda. Árıne densaýlyq máselesi ol bizdiń memlekettiń basty baılyǵy. Sol úshin osy Densaýlyq Kodeksi ázirlendi. Qazir Májilistiń qaraýynda. Kóptegen usynystar, pikirler aıtylyp jatyr. Bizdiń depýtattarymyz aımaqtarda bolǵan kezde de osy Kodeks boıynsha kóptegen talqylaý boldy. Búgin de ashyq, jarııa túrde taǵy da jan jaqty talqylaıtyn bolamyz. Nátıjesinde joǵary deńgeıdegi sapaly zań qabyldaýymyz kerek, - dedi.

Nurlan Nyǵmatýlın Kodeks jobasy Májiliske kelip túsken sátten bastap, depýtattardyń qatysýymen túrli alańdarda qyzý talqylanǵanyn aıtty. Nátıjesinde, kóptegen kúrdeli máseleler boıynsha ymyraǵa keldi. Atap aıtqanda, bul transplantologııa máselesi.

Otyrysta A.N. Syzǵanov atyndaǵy ulttyq ǵylymı hırýrgııa ortalyǵynyń Basqarma tóraǵasy Bolatbek Baımahanov, «О́mir Syıy» Respýblıkalyq qoǵamdyq qorynyń basshysy Sandýǵash Orynbaeva men «Aman-saýlyq» Qoǵamdyq qorynyń jetekshisi Baqyt Túmenova óz ustanymyn bildirdi. Al shetelge aǵzalardy eksporttaý normasyna qatysty Májilis Tóraǵasy Nurlan Nyǵmatýlın Kodeks jobasynda bizdiń memleketimizden tys jerde júrgen Qazaqstan azamattaryna medısınalyq kómek kórsetý qajet bolǵan jaǵdaıda ǵana transplantasııalaý úshin eksporttaý múmkindigi qarastyrylǵanyn atap ótti.

Sondaı-aq fraksııa otyrysynda vaksınasııa normasyna erekshe nazar aýdaryldy. Bul jaıynda juqpaly aýrýlar boıynsha mamandar, mektepke deıingi mekemelerdiń ókilderi jáne Qazaqstandaǵy bala quqyqtary jónindegi ýákil Arýjan Saın óz oılarymen bólisti. Qoǵamdaǵy túrli pikirlerdi eskere otyryp, jumys toby halyqtyń qaýipsizdigin qamtamasyz etetin, profılaktıkalyq egýler mindetti jáne erikti bolyp bólingenin usyndy. Qazaqstanda turaqty turatyn adamdar mindetti profılaktıkalyq egýlerden ótýi kerek. Eger balanyń densaýlyǵynda medısınalyq qarsy kórsetilimder bolmasa mindetti vaksınasııalardyń tizimine sáıkes vaksına jasalady. Alaıda, sapasyz vaksınalardy jetkizý, vaksınalardy saqtaý, tasymaldaý jáne paıdalaný erejelerin saqtaýǵa qatysty jaýapkershilikti kúsheıtý usynylady. Osyǵan sáıkes, Taýarlar men qyzmetter qaýipsizdigi jáne sapasyn baqylaý komıtetiniń quzyreti kúsheıtilmek.

Sonymen qatar naýqastyń ómirin jasandy qoldaý sharalaryn toqtatý týraly ortaq ustanym ázirlendi, ol týystarynyń kelisiminsiz bul shara toqtamaıdy. Fraksııanyń keńeıtilgen otyrysynda Densaýlyq saqtaý kodeksi jobasynyń árbir normasy jan-jaqty, tereń talqylandy. Otyrysta Tutynýshylar quqyǵyn qorǵaýǵa arnalǵan ulttyq koalısııa Tóraǵasy Murat Ábenov, saıasattanýshy Danııar Áshimbaev sóz sóıledi.

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar