Saıasat Nurbek Prezıdentke «Jańa mamandyqtar atlasy» ulttyq jobasynyń júzege asyrylýy jaıynda aıtty. Onyń pikirinshe, atalǵan joba jastardyń mamandyq tańdaýyna jáne aldaǵy ýaqytta elimizde suranysqa ıe bolatyn kásipterdi meńgerýine kómektesedi.
Memleket basshysy bilim berý salasynda jańa ǵylymı ádisterdi jáne tehnologııalyq sheshimderdi qoldanýdyń mańyzdylyǵyn atap ótti. Qasym-Jomart Toqaevtyń aıtýynsha, bilim júıesin jańǵyrtýǵa baılanysty máseleler Ulttyq qoǵamdyq senim keńesiniń kezekti otyrysynyń kún tártibine engiziledi.
Ekonomıkalyq saıasat ınstıtýtynyń prezıdenti Qaıyrbek Arystanbekovpen kezdesýde ulttyq ekonomıkany damytý, memlekettiń áleýmettik saıasatynyń tıimdiligin jaqsartý máseleleri qarastyryldy. Qazaqstan Prezıdentine Instıtýttyń júrgizgen zertteý jumystarynyń nátıjeleri baıandaldy.
