Aımaqtar • 21 Aqpan, 2020

«Samuryq-Qazyna» Soltústikpen tyǵyz yntymaqtasady

25 retkórsetildi

Keshe Petropavl qalasyna «Samuryq-Qazyna» UÁQ» AQ basqarma tóraǵasy Ahmetjan Esimov jumys saparymen keldi. Oblys ákimi Qumar Aqsaqalovtyń alyp júrýimen ol aldymen «PZTM» AQ jáne «Kırov atyndaǵy zaýyt» AQ jumystarymen tanysty.

Sodan keıin A.Esimov oblys ákimdigine kelip, sala basshylary men bıznes belsendileri, BAQ ókilderiniń aldynda  «Samuryq-Qazyna» UÁQ» AQ men Soltústik Qazaqstan oblysynyń yntymaqtastyǵy týraly memorandýmǵa oblys ákimi Q.Aqsaqalovpen qol qoıdy. Taraptar óńirde jańa óndiristerdi ashýdy yntalandyrýǵa jáne áleýmettik-ekonomıkalyq yntymaqtastyqty damytýǵa kelisti.

«Samuryq-Qazyna» AQ  basshysy Ahmetjan Esimov Qor ásirese, ımport almastyrý baǵdarlamasy men «offteık-sharttar»  mehanızmi aıasynda jańa óndirister qurýdy qarastyratyn jobalarǵa kómek kórsetýge daıyn ekenin atap ótti. «2018 jyly biz Qordyń satyp alý júıesin jetildirý boıynsha aýqymdy jumystardy bastap, otandyq taýar óndirýshilerdi qoldaýdyń basymdylyǵyn atap óttik. Nátıjesinde holdıng ishindegi satyp alý 25 ese qysqardy jáne 630 mlrd teńgeden astam qarajat básekeles ortaǵa shyǵarylyp, otandyq kásipkerlerge berildi. Osy básekelestik ortany qurý arqyly 36 mıllıardtan astam teńge únemdeldi», - dedi Ahmetjan Esimov.

Aıta ketetin bolsaq, «offteık-sharttar» óndirilýge josparlanǵan ónimge aldyn ala tólem jasaý arqyly uzaq merzimdi tapsyrysqa kepildik beredi. Basty shart – elimizde buryn mundaı ónim óndirisiniń bolmaýy jáne oǵan Qor kompanııalaryna olardyń qajettiligi. 

Sondaı-aq A.Esimov qazirgi ýaqytta Qor ımport almastyrý baǵdarlamasy aıasynda elimizde jańa óndirister qurý boıynsha 27 jobany maquldaǵanyn jáne osy jobalardy iske asyrýǵa salynǵan ınvestısııanyń jalpy kólemi 215 mlrd teńgeden asyp, ol 1600-den astam jańa jumys ornyn ashatynyn jetkizdi. Maquldanǵan jobalardyń qatarynda Soltústik Qazaqstannyń –  «PZTM» AQ jáne «S.Kırov atyndaǵy zaýyt» AQ sııaqty eki kásiporynyń ónimderi bary aıtyldy. Qordyń portfeldik kompanııalary osy zaýyttarmen 8,5 mlrd teńgeden astam somanyń sharttaryna qol qoıǵan. Sonyń ishinde «PZTM» AQ-men arnaıy tehnıkany jetkizý úshin 2,3 mlrd teńge, jáne «Kırov atyndaǵy zaýyt» AQ  6,2 mlrd teńgeniń kelisimine qol qoıyldy.

Soltústik Qazaqstan oblysynyń ákimi Qumar Aqsaqalov bul eki zaýytpen ǵana emes óńirdegi yntymaqtastyq boıynsha Qormen qol qoıylǵan barlyq qujattardyń oblys ekonomıkasyn damytýdaǵy mańyzdylyǵyn atap ótti. «Búgin biz «Samuryq-Qazyna» AQ óńirdi damytý boıynsha birqatar júıeli sharalar belgilengen memorandýmǵa qol qoıyp otyrmyz. Qordyń qoldaýymen Ýálıhanov sııaqty shalǵaı aýdandardyń birinde uıaly baılanys qyzmeti de keńeıtiledi»,- dedi ol.

Memorandým aıasynda Qor Soltústik Qazaqstan oblysynyń TKSh-syn avtomattandyrý, qala qaýipsizdiginiń monıtorıngin qamtamasyz etý, 2020-2021 jyldary GSM jáne LTE standarttarynyń 25 bazalyq stansııasyn iske qosý sııaqty Petropavldy «aqyldy» qalalar qataryna qosatyn jobalardy damytylatyny belgili boldy.  

Bulardan basqa áleýmettik salada da birqatar birlesken jobalar iske asyrylady. Atap aıtqanda olar – balalardy ońaltý ortalyǵyn qural-jaraqtarmen jabdyqtaý, medısınalyq poezdyń shalǵaı stansııalarǵa tegin negizde qatynaýy, ámbebap sport oıyny alańdaryn salý jáne t.b.

Al shaǵyn jáne orta bıznesti damytý baǵytynda 2020 jylǵa poshta jelisi men elektrondyq saýdany keńeıtý boıynsha 10 seriktestik poshta baılanys bólimshesin ashý jáne ShOB kásipkerleri úshin elektrondyq saýda negizderi boıynsha semınarlar ótkizý josparlanǵan.  

Sóıtip, «Samuryq-Qazyna» UÁQ Soltústik Qazaqstannyń damýyna óziniń mol úlesin qospaqshy. Bul oblys turǵyndarynyń kóńil-kúıin arttyrǵan sheshimder boldy.

Anyqtama úshin aıta ketetin bolsaq,  «Samuryq-Qazyna» ulttyq ál-aýqat qory» AQ Qazaqstan Respýblıkasynyń Úkimeti jalǵyz aksıoneri bolyp tabylatyn qor. Ol 2008 jyly Prezıdent Jarlyǵymen qurylǵan jáne ol ınvestısııalyq holdıng bolyp sanalady. Onyń mıssııasy - Qazaqstan Respýblıkasynyń ulttyq ál-aýqatyn kóterý jáne ulttyq ekonomıkany jańǵyrtýǵa qoldaý kórsetý. Qordyń aktıvi 67 mlrd AQSh dollary shamasynda. Onyń kompanııalarynyń qataryna munaı-gaz, kólik-logıstıkalyq sektorlardyń, hımııa jáne atom ónerkásibi, taý-ken metallýrgııalyq keshenniń, energetıka, mashına jasaý jáne jyljymaıtyn múlik salalarynyń kásiporyndary enedi.

Soltústik Qazaqstan oblysy

Sońǵy jańalyqtar

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

Uqsas jańalyqtar