Aımaqtar • 22 Aqpan, 2020

Mańǵystaýda «Turmys» jedel is-sharasy ótkizildi

24 retkórsetildi

Mańǵystaý oblysynda Polısııa depeartamentiniń qurylymdyq bólinis qyzmetkerlerimen «Turmys» jedel aldyn-alý is sharasy ótkizildi.

Is-sharanyń maqsaty qylmystyq jaǵdaıdy jaqsartý, mas kúıindegi aýyr jáne asa aýyr qylmystardyń aldyn alý, otbasylyq jáne turmystyq qatynastar salasyndaǵy keleńsizdikterdiń aldyn alýǵa negizdelgen. Bul týraly Mańǵystaý oblystyq Polısııa departamenti baspasóz qyzmeti habarlady.

Is-sharaǵa 250 qyzmetker jumyldyrylyp, jergilikti polısııa qyzmeti qyzmetkerleriniń jáne polısııanyń qoǵamdyq kómekshileriniń birlesken toptary quryldy.

Is-sharanyń negizgi mindetteri otbasylyq-turmystyq qatynastar salasyndaǵy quqyq buzýshylyqtar úshin ishki ister organdarynyń esebinde turǵan, alkogoldik ishimdikterdi jáne esirtki zattaryn paıdalanatyn adamdardy, qolaısyz otbasylardy jáne túzeý mekemelerinen bosatylǵan adamdardy turǵylyqty jeri boıynsha tekserý bolyp tabylady. 

Is-shara barysynda Ishki ister organdarynyń profılaktıkalyq baqylaýyna jatatyn tulǵalar anyqtalyp, esepke qoıyldy. Azamattardyń otbasy-turmystyq qatynastar salasyndaǵy quqyq buzýshylyqtar týraly ótinishteri boıynsha tártip buzýshylarǵa mindetti túrde qorǵaý nusqamasyn shyǵarý arqyly ákimshilik yqpal etý sharalary qabyldandy.

Is-shara barysynda otbasylyq-turmystyq qatynastar salasyndaǵy quqyqqa qarsy áreketter QR ÁQBtK 73-baby boıynsha 29 otbasynda janjal týdyratyn tulǵa, turmysta quqyq buzýshylyq jasaǵan 206 azamatqa qorǵaý nusqamasy shyǵaryldy, al QR ÁQBtK 461-baby boıynsha shyǵarylǵan qorǵaý nusqamasyn buzǵany úshin 5 adam jaýapkershilikke tartyldy.

Atalǵan kezeńde oblys boıynsha 161-den astam turmystyq zorlyq-zombylyq faktileri tirkelgen, otbasyndaǵy janjaldar týdyratyn 108 adamǵa qatysty qorǵaý uıǵarymdary shyǵaryldy. Ýchaskelik polısııa ınspektorlarynyń ótinishteri boıynsha sottar 3 aıdan 1 jylǵa deıingi merzimde alkogoldik ishimdikterdi qoldanýǵa tyıym sala otyryp, quqyq buzýshylardyń minez-qulqyna 2 erekshe talaptar belgilegen.

Shara barysynda polısııa qyzmetkerleri azamattarǵa «102» telefony boıynsha polısııa qyzmetkerlerin nemese óziniń ýchaskelik polısııa ınspektorlaryn jáne polısııanyń aýmaqtyq bólimderin, sonyń ishinde kórshiles turatyn jáne ártúrli quqyq buzýshylyqtar jasaǵan, alkogoldik ishimdikterdi teris paıdalanatyn jáne esirtki quraldaryn paıdalanǵany baıqalǵan adamdar týraly habardar etý qajettiligi týraly eskertti.

Sońǵy jańalyqtar

Uqsas jańalyqtar