Aımaqtar • 22 Aqpan, 2020

Almaty áýejaıynda táýligine 33 epıdemıolog jumys isteıdi

10 retkórsetildi

Almatyda koronavırýstyń aldyn alý sharalaryn qatań saqtaý usynyldy. Almatynyń halyqaralyq áýejaıynda qala ákimi Baqytjan Saǵyntaevtyń tapsyrmasymen qurylǵan koronavırýstyq ınfeksııanyń taralýynyń aldyn alý jónindegi О́ńirlik shtabtyń otyrysy ótti.

О́ńirlik shtab qala ákiminiń orynbasary Erjan Babaqumarovtyń tóraǵalyǵymen jumys isteıdi.
Jıynda shahardaǵy aǵymdaǵy epıdemıologııalyq jaǵdaı jáne ushyp keletin halyqaralyq reısterdi baqylaý aıasynda sanıtarlyq-karantındik sharalardy iske asyrý barysy pysyqtaldy.

1 aqpannan bastap Almaty qalasynda medısına qyzmetkerleri jáne ýákiletti mamandarmen megapolıstiń halyqaralyq áýejaıyna keletin barlyq halyqaralyq reısterge tekserý júrgizilip keledi. Áýejaı aýmaǵynda táýligine 33-ke jýyq epıdemıolog jumys isteıdi. Sondaı-aq laýazymdy tulǵalardyń ózara is-qımyl algorıtmi temir jol stansııalarynda, avtomobıl ótkelderinde saqtalady. Qalanyń medısınalyq uıymdary koronavırýstyq ınfeksııany baqylaý men aldyn alýdyń kúsheıtilgen sharalaryn júzege asyrady.

Ulttyq saraptama ortalyǵy bazasynda 200-den astam jaǵyndy synamalary zertteldi, oń nátıjeler joq. Almatyda koronavırýs jaǵdaıy tirkelgen joq. Sonymen qatar, megapolıste 100 myńnan astam medısınalyq betperdeler men 700-den astam dári-dármek qory bar. Jalpy, qala barlyq qajetti qorǵanys quraldarymen tolyq jabdyqtalǵan.Sondaı-aq sanıtarlyq-aǵartý jumystary kúsheıtildi, saýda úıleri men bazarlar boıynsha sanıtarlyq baqylaý sharalarynyń saqtalýyna tekserý júrgizilip otyr.

Aqparattyq-túsindirý jumystary aıasynda koronavırýstyq ınfeksııanyń aldyn alý boıynsha 18 myńǵa jýyq jadynama taratyldy.
Qytaı Halyq Respýblıkasynda koronavırýstyq ınfeksııanyń jańa túriniń órshýiniń jarııalanýyna baılanysty jáne ınfeksııanyń ákelinýi men taralýynyń aldyn alý, sondaı-aq Qazaqstan Respýblıkasyndaǵy halyqtyń sanıtarlyq-epıdemıologııalyq saýlyǵyn/saýattylyǵyn qamtamasyz etý maqsatynda aldyn alý sharalaryn saqtaýdy suralady:

- kún saıyn dene qyzýyn kúnine keminde 2 ret ólsheý;

- úı-jaılardy kúnine keminde 2 ret jeldetý;

- kún saıyn ylǵaldy tazalaý júrgizý;

- qoldy sabynmen jıi jýý;

- jeke ydys, jeke gıgıena quraldaryn (súlgi, sabyn, tis pastasy, ustara aspaptary jáne t.b.) paıdalaný.

Sondaı-aq JRVI men tumaýdy juqtyrý qaýpi joǵary kezeńde, birqatar elderde vırýstyq ınfeksııalardyń taralýy boıynsha jaǵdaıdy eskere otyryp, shahar turǵyndaryna adamdar kóp jınalatyn jerden aýlaq bolý jáne qaýipti aımaqtarǵa shyqpaýǵa keńes beriledi.

- Dene qyzýy bar adamdardyń qoǵamdyq oryndarǵa barmaı, der kezinde medısınalyq kómekke júginý, sondaı-aq jedel respıratorlyq ınfeksııasynyń belgileri bar jandar "jótelý etıketin" saqtaǵany abzal (qashyqtyqty saqtaý, jótelgende ne túshkirgende bir rettik maılyqpen nemese kıimmen aýyzdy jabý, qoldy jýý).

Qazaqstan aýmaǵynda 1406 nómiri boıynsha koronavırýs máseleleri jóninde táýlik boıy biryńǵaı call-center jumys isteıdi.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar