Rýhanııat • 22 Aqpan, 2020

Mańǵystaýda «ANTIKOR ORTALYGY» ashyldy

124 retkórsetildi

Aqtaýda Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń (Sybaılas jemqorlyqqa qarsy qyzmet) Mańǵystaý oblysy boıynsha departamentiniń servıstik «ANTIKOR ORTALYGY» ǵımaraty ashyldy. Bul týraly Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń  Mańǵystaý oblysy boıynsha departamenti baspasóz qyzmeti habarlady.

Servıstik ortalyǵynyń tanystyrylymyna Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) Tóraǵasynyń birinshi orynbasary O.A.Bektenov pen Mańǵystaý oblysynyń ákimi S.О́.Trumov, Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Mańǵystaý oblysy boıynsha departamentiniń basshysy B.N.Jylqybaev, memlekettik organdardyń basshylary, qoǵam belsendileri, máslıhat depaýtattary, arnaıy monıtorıngtik top jáne qoǵamdyq keńes músheleri, «Mańǵystaý – Adaldyq Alańy» jobalyq keńsesiniń músheleri, oblystyq aqparattyq-nasıhat Shtabynyń músheleri jáne BAQ ókilderi qatysty. 
1

Ashylý saltanatynda Oblys basshysy Serikbaı Trumov, «Mańǵystaý- adaldyq alańy» jobalyq  keńsesiniń jetekshisi Daırabaı Úsipbaev, Oblystyq monıtorıng tobynyń jetekshisi Rımma Ýtesbaeva, aqparattyq –aǵartýshylyq shtabynyń múshesi Marat Sebasov, oblystyq maslıhat depýtaty Ospan Kazahbaev sóz alyp «ANTIKOR ORTALYGY» ortalyǵy halyq úshin óz jumysynyń nátıjesin berýin tiledi.

Sonymen qatar, Agenttik Tóraǵasynyń birinshi orynbasary Oljas Abaıuly

«Prezıdent Qasym-Jomart Toqaev Qazaqstan halqyna joldaýynda: «Azamattardyń barlyq ótinish-tilekterin jedel ári tıimdi qarastyratyn,«halyq únine qulaq asatyn memleket»qurýdy iske asyrý – barshamyzǵa ortaq mindet» dep atap kórsetken bolatyn.

Bılik pen qoǵam arasynda turaqty dıalog ornatý arqyly ǵana tıimdi de úılesimdi memleket qalyptastyrýǵa bolady.

Osy maqsatta Qazaqstan Respýblıkasynyń Sybaılas jemqorlyqqa qarsy is-qımyl agenttiginiń bastamasymen Respýblıkamyzdyń barlyq aımaqtarynan «ANTIKOR ORTALYGY» ashylýda» dep atap ótti.

Is-shara barysynda Agenttik Tóraǵasynyń buıryǵymen oblysymyzdyń birqatar qoǵam belsendileri sybaılas jemqorlyqqa qarsy is-qımyl jolynda qosqan eleýli úlesteri men kómegi úshin gramotalarmen marapattaldy.

Sońǵy jańalyqtar

Uqsas jańalyqtar