Qoǵam • 22 Aqpan, 2020

Qordaı turǵyndary túıtkildi máselelerdi kóterdi

354 retkórsetildi

Jambyl oblystyq Polısııa departamentiniń bastyǵy, polısııa general-maıory Janat Súleımenov Qordaı aýdanynda bolyp, azamattardy jeke suraqtary boıynsha qabyldady. Aýdanda oryn alǵan sońǵy jaǵdaılarǵa baılanysty óńirdiń bas polıseıi turǵyndardyń túrli máselelerin tyńdady.

Qabyldaýǵa kelgen Qordaı aýdanynyń turǵyny Aleksandra Ivanova Janat Súleımenovten júrgizilip jatqan qylmystyq istiń tergeý barysy men mán-jaıyn túsindirýdi surady. Turǵynnyń ótinishin tyńdaǵan departament bastyǵy isti jeke tekserýge ýáde berdi. Sondaı-aq, alaıaqtarǵa aldanyp qalǵan aýdannyń úsh turǵyny da jer telimine qatysty másele boıynsha qabyldaýǵa keldi.

Jalpy, qabyldaýǵa turǵyndar túrli máseleler boıynsha kelgen. Masanchı aýylynda ornalasqan dárihana ıesi Araılym Almenova Qordaıdaǵy qaqtyǵys kezinde órt saldarynan kásibimen birge jeke basyn kýálandyratyn barlyq qujattarynyń da joıylyp ketkenin aıtyp, kómek surady. Bul másele boıynsha «Biz óz quzyretimizde jáne zań sheńberinde qajetti kómekterdi kórsetetin bolamyz», dedi Janat Súleımenov.

 Aıta keteıik, aǵymdaǵy jyldyń 8 jáne 20 aqpan kúnderi aralyǵynda Jambyl oblysy Polısııa departamenti Kóshi-qon qyzmeti basqarmasynyń qyzmetkerleri 57 jeke kýálikti qalpyna keltirgen. Sonymen qatar, departament bastyǵyna birqatar azamat ishki ister organdaryna jumysqa ornalasý boıynsha saýal qoıdy. Bul boıynsha Janat Súleımenov ótinish jazyp, qajetti qujattardy jınaýy kerektigin túsindirdi. Sondaı-aq, Qordaı aýdanynyń keıbir turǵyndary aýdandyq polısııa bóliminiń qyzmetkerlerine qatysty shaǵymdandy. Atalǵan másele boıynsha óńirdiń bas polıseıi jeke tekserý jumystaryn júrgizetinin aıtty. Qabyldaý barysynda turǵyndarǵa qajetti jan-jaqty quqyqtyq keńester berilip, barlyq ótinishter Polısııa departamenti bastyǵynyń qatań baqylaýyna alyndy.

 

Jambyl oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar